Kulumbaisha 32:8 - Baibo Busansulushi Bwa Libuku Ili

⁸ Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.

Kulumbaisha 32:8 Marejeleo ya Msalaba

Matalikilo 24:48

Mpeeke ndafukama akulambila Mwaami Lesa. Ndalumbaisha Mwaami Lesa, Lesa wa baami bangu baAbulaamu, balengesha kwaamba ayi noolulemebo kushikamukowa wa baami bangu akucana mulokashi wabo kuli Isaki.

2 Samwelo 22:33

Ono uyu Lesa eenka nceciyubilo cangu ciyumu nta, alimwi ulanengesha kweenda, nshila yangu keetuba.

1 Baami 8:36

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

Kulumbaisha 143:8

Amuntondeshe lusuno lwanu lutamaani kulila bwaca ceebo ndicinkite manungo muli ndimwe. Muntondeshe nshila njeenjelele kutola mukwiinga ndapaila kuli ndimwe.

Kulumbaisha 25:12

Anu ngani muntu ulemeka Mwaami Lesa? Ngooyo utondeshekwa kuswa kuli nguwe nshila njeelete kutola.

Kulumbaisha 33:18

Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.

Kulumbaisha 34:11

Amwise nobeensuma nomucikula mukutike, ntoomwiisha kuloonda Mwaami Lesa.

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Shakubelenga 9:22

Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.