Kulumbaisha 32:6 - Baibo Busansulushi Bwa Libuku Ili

⁶ Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

Kulumbaisha 32:6 Marejeleo ya Msalaba

Kulumbaisha 144:7

Amutambike lyaansa lyanu kuswa kwiculu akuncata. Amunsubule mulweenge lwa mapensho angu ayi mpuluke. Amumfuune kuswa munkusu sha baswamashi,

Kulumbaisha 4:3

Ono amwishibe ayi Mwaami Lesa wakasala baluleme kuba bantu bakwe, alimwi nebo ulankumbula ndimpaila kuli nguwe.

Kulumbaisha 40:3

Wakanjiisha lwiimbo lupya, lwiimbo lwakulumba Lesa wesu. Bantu baanji baakubona boobo balaakulemeka akucinka manungo muMwaami Lesa.

Kulumbaisha 42:7

Buumba bwamfwekelesha anga ngamaaba a palweenge. Shimfulunganya ashalo shitoosa anga ngamaanshi atoompoomokela.

Kulumbaisha 91:7

Kulubasu lwako bantu bali cuulu inga bacaikwa, ee, bali shuulu likumi inga bafwa apo mpoobete, sombi webo teshi ukacisikweewo napaceyuubo.

Tushimpi 1:28

“Mwaakunjita ciindi ico teshi nkamukumbulewo. Mulaakunyandoola, sombi teshi mukambonewo.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Joni 7:34

Ono mulaakunangoola, sombi teshi mukancane alimwi uko nkweshi nkanoobete teshi mukashikeeko.”

2 Bene Kolinto 1:4

Ulatucafwa mumapensho esu oonse kwaamba ayi tukonshe kucafwa bamwi bacite mapensho amushobo uli woonse, kwiinda mulucafwo ulo ndotwakatambula kuswa kuli Lesa.

2 Bene Kolinto 6:2

Ceebo Lesa wakaamba ayi, “Muciindi ceelete kwaamba ayi mupe coolwe, ndakamunyumfwa. Bushiku bwakwaamba ayi nebo mupulushe, ndakamucafwa.” Amunyumfwe ono! Bulya nceciindi cakwaamba ayi Lesa ape bantu coolwe! Buno mbobushiku bwakupulushikwa!

1 Timoti 1:16

Sombi nceceeco Lesa ncaakanyumfwila nkumbu kwaamba ayi kwiinda muli ndime, nemucita shibi wiindaawo, Klistu Jesu atondeshe bushimoyonteeka buteeli. Wakacita boobo kwaamba ayi mbe citondesho kubaabo boonse beshi bakashome muli nguwe akutambula buumi butamaani.

Taitasi 2:12

Luse ulo lulatwiisha kuleka buumi buteshi bwabuLesa alunkumbwa lwa shintu sha pacishi ca panshi kwaamba ayi twikale buumi bwakulitibuka, bululeme alimwi bwabuLesa munshiku shino.