Kulumbaisha 32:5 - Baibo Busansulushi Bwa Libuku Ili

⁵ Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Kulumbaisha 32:5 Marejeleo ya Msalaba

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

2 Samwelo 12:9

Ino wanyanshilanshi maswi angu nebo neMwaami Lesa kwiinda mukucita cintu cibiibi mumeenso angu? Wakacaisha Uliya mwine Iti munkondo. Wakamucaisha kubene Amoni akubwesa mukaakwe wamweeba.

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

1 Baami 8:50

Mubalekelele shibiibi shabo shoonse abwaashu bwabo kuli ndimwe. Amulengeshe balwani babo kubeendelesha cankumbu.

2 Makani 6:29

amukutike mipailo yabo. Na bamwi pakati ka bantu banu bene Isilaeli, kwiinda mukupya myoyo, batandabika maansa kulansha kuŊanda yanu pakupaila,

Esila 10:11

Anu amulyaambilile shibiibi kuMwaami Lesa, Lesa wa bamashali banu bakulukulu akucita shimusangalasha. Amulitalamushe kubantu mbomwikalaabo akubamakaanu baswamashi.”

Jobo 31:33

“Bantu bamwi balashisa shibiibi shabo, sombi nebo nshikwe kushisawo shibiibi shangu, sobwe.

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

Kulumbaisha 103:12

Bweenka mbuli kumbo akwicwe mbokutalamukene, mbweeke ubo shibiibi shesu mbwaashitalamusha kuswa kuli ndiswe.

Kulumbaisha 103:3

Ulalekelela shibiibi shangu shoonse, alimwi ulashilika malwashi angu oonse.

Kulumbaisha 25:16

NoBaami baLesa, amunangilishe akunyumfwila nkumbu, ndaba neenka alimwi ndapeenga abuumbi.

Kulumbaisha 25:18

Amubone mapensho angu oonse akuungumana kwangu, lyalo mundekelele shibiibi shangu shoonse.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 38:18

Ndalyaambilila shibiibi shangu shoonse, ncakwiila shibiibi shangu shanensha nsoni.

Kulumbaisha 38:19

Balwani bangu mbaanji alimwi balicite nkusu abuumbi. Ee, mbaanji bampatitebo pataapu aciliiwo.

Kulumbaisha 51:6

Ndushinisho mwebo mulisuni muntu ushomeka, paceebo ceeco amunjiishe kuba musongo lyoonse.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Tushimpi 30:20

“Mwanakashi mufuule ulacita bobulya. Ulacita bulale, amanisha wasamba akwaamba ayi, ‘Taaku cibiibi ncendacita.’

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Jelemiya 2:23

Ino inga waamba buyani ayi, ‘Nshisalalite, nshina kukonkelaawo ba Bali.’ Bona mbuli mbowakacita kooli mucinyika, yeeya nshewakacita. Ulibo anga ningamela yanakashi iya bucicabo uku akooku.

Jelemiya 2:35

webo ulaamba ayi, ‘Nshicitewo mulandu alimwi Mwaami Lesa taatucitile bukali.’ Sombi nebo neMwaami Lesa ndaakukupa mulandu ceebo ulaamba ayi, ‘Nshina kucitawo cibiibi.’

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Bene Lefi 5:5

“Na muntu ulicite mulandu, ulyeelete kulyaambilila cibiibi cakwe.

Malaki 3:8

Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Luka 7:47

Aboobo ntookulwiita ayi shibiibi shakwe nashifuuli shalekelelwa mukwiinga watondesha lusuno lunene. Nkokwaamba ayi uyo woonse walekelelwa paniini ulatondesha lusuno luniini.”

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Joshuwa 7:19

Ono Joshuwa wakaambila Akani ayi, “Omwanaangu, amba calushinisho pameenso a Mwaami Lesa, Lesa wa bene Isilaeli, ulyaambilile omwiine ico ncewacita. Utacishisi kuli ndime.”