Kulumbaisha 30:2 - Baibo Busansulushi Bwa Libuku Ili

² NoBaami baLesa, baLesa bangu ndakamulilila ayi muncaafwe, ncakwiila mwebo mwakanshilika.

Kulumbaisha 30:2 Marejeleo ya Msalaba

Matalikilo 20:17

Lyalo Abulaamu wakapaila kuli Lesa. Mpomunyaawo alakwe wakashilika Abimeleki. Wakashilika amukaakwe alimwi abasha banakashi ayi bakonshe kushala.

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

Kulumbaisha 118:18

Amubone! Mwaami Lesa wakanyinsha mumapensho aanji, sombi taakwe kunsuminisha ayi mfwe.

Kulumbaisha 145:1

Ndaakumulumbaisha nobaLesa, noBaami bangu, akulemeka liina lyanu lyoonse alyoonse.

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 35:24

NoBaami baLesa, baLesa bangu, muliluleme. Amutondeshe kubula mulandu kwangu, alimwi mutaleeki balwani bangu ayi banoosangalalila pali ndime.

Kulumbaisha 41:12

Ee, mulancafwa ceebo ndacita shiluleme alimwi mwakambika mubulemu bwanu ayi nookala mumo lyoonse alyoonse.

Kulumbaisha 51:8

Amunsuminishe nyumfwe ciyobeyobe cakusangalala akukondwa. Amusuminishe mubili wangu uyo ngomwapwayoola kubuumba kusangalala cipya.

Kulumbaisha 6:2

Amunyumfwile nkumbu noBaami baLesa ndalefuka. Amumpe nkusu noBaami baLesa ndalema cakukopoka.

Kulumbaisha 88:13

NoBaami baLesa, nebo ntoolilila lucafwo kuswa kuli ndimwe. Macuunsa lyoonse ndapaila kuli ndimwe.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”