Kulumbaisha 3:7 - Baibo Busansulushi Bwa Libuku Ili

⁷ NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

Kulumbaisha 3:7 Marejeleo ya Msalaba

2 Samwelo 18:8

Mpeeke nkondo yakaliyalabo luundu loonse. Lyalo bantu bakafwa mumusaansa bakeenda baabo bakacaikwa kumipeeni.

Jobo 16:10

Bantu balanshibulukabo akungwela. Balambunganina akunguma mpaka pameenso.

Jobo 29:17

Ndakalinga kunyonyoola nkusu sha bamucita shibi akubalengesha kuleka baabo mbobakalinga kupensha.

Kulumbaisha 10:12

NoBaami baLesa amupe mulandu bantu babiibi abo! Ncakwiila amwiibaluke akubona baabo batoopenga.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 27:3

Ono nabi likoto lya bashilumamba lyoonse lyanshinguluka, moyo wangu tooswiiwo kuboowa napaceyuubo. Ncakwiila nabi nkoondo yambukila nebo ndanoocinkitebo manungo muli Lesa.

Kulumbaisha 35:23

Amukalale ono noBaami baLesa, mumfuneeko. Amunyamuke baLesa bangu muŋambilileeko.

Kulumbaisha 44:23

Amubuke noBaami baLesa! Ceebonshi mutoocita anga mulilete? Amulisakamune! Mutatoleleli kutufutatila.

Kulumbaisha 58:6

NoBaami baLesa amutyoloole meeno mumilomo yabo. Nkalamu sha bantu ishi amushisokoole meeno.

Kulumbaisha 59:5

NoBaami baLesa Beshinkusu shoonse, baLesa ba bene Isilaeli. Amunyamuke mupe mulandu bakunsengwe boonse. Mutalekeli nabi womwi pabaabo baashu bapinga kuncaya pataapu aceebo.

Kulumbaisha 6:4

Ono amwise mumfuune noBaami baLesa, Amumpulushe kulufu ceebo cankumbu shanu.

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Kulumbaisha 74:11

Nciinshi ncemwakakila kutucafwa alyaansa lyanu lyalulyo? Amufungulule lyaansa lyanu akubanyonyoola?

Kulumbaisha 76:9

ndimwakanyamuka ayi moomboloshe bantu. Mwakaboombolosha kwaamba ayi mufune abo batoolyatililwa mucishi.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Malilo 3:30

Aasumine kuumwa nabi kucobolwa, ee, aasumine kusebaanishikwa.

Abakuku 2:19

Mapensho kuli ndimwe nomwaambila cisamu ayi, “Buka!” Nabi kwaambila libwe litayooyi ayi, “Nyamuka!” Sa cibumbwabumbwa inga camuyubulwitawo cintu cili coonse? Cilananikwa silifa agolodi, sombi tacicite buumi muli ncico.