Kulumbaisha 29:3 - Baibo Busansulushi Bwa Libuku Ili

³ Liswi lya Mwaami Lesa lilanyumfwika pamaanshi, ncakwiila Mwaami Lesa shibulemu ulaluluma, ulaluluma peculu lya maanshi ayoosha.

Kulumbaisha 29:3 Marejeleo ya Msalaba

Jobo 36:33

Kululuma nkokwaambilisha ayi mfula ili pafwaafwi. Ashalo shifubwa shoonse nkoshishibila ayi itooyanda kuloka.

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Kulumbaisha 104:3

Mwakayaka ŋanda yanu peculu lya maanshi a kwiculu. Mulasebensesha makumbi anga shikoci shanu sha nkondo. Muleendela pamapapaminwa a muuwo.

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Kulonga 9:28

Amupaile kuMwaami Lesa! Twapeenga abuumbi kukukalooka kwa mfuula ya mabwe iyi. Ntoomulwitilisha ayi ntoomuleka munooya, tamweelete kunoocishiite.”

Kulonga 9:33

Kuswawaawo Mose wakaswaako kumwaami Falawo, alimwi akuswa mundabala inene umo. Lyalo wakatambika maansaakwe akupaila kuMwaami Lesa. Mpeeke kukalooka, mabwe alimwi amfuula shoonse shakamana.

Joni 12:29

Bantu bakalinga kwiimfwi waawo bakanyumfwa liswi, lyalo bamwi bakaamba ayi, “Ncilulumo ca mfula,” sombi bamwi ayi, “Ngumunjelo wamwaamboosha.”

Milimo ya Batumwi 7:2

Sitifini wakakumbula ayi, “Nobamakwesu anobashali bangu basankwa amunyumfwe, Lesa wa bulemu wakaboneka kuli ishiwesu Abulaamu ndyaakalinga kwikala kuMesopotamya kaatana kulongela kundabala ya Alani.

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.

Ciyubululo 16:18

Lyalo kwakaba kubeka kwa mfula, shiyobeyobe, shilulumo alimwi acitentanshi cinene abuumbi. Takuna kubawo kale citentanshi ca mushobo wooyu kuswabo kumalengelo a muntu. Cakabica kwiinda pashitentanshi shimwi shoonse.

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

Ciyubululo 4:5

Mucuuna momunya umo mwakalinga kuboneka kubeka kwa mfula, kunyumfwika ciyobeyobe alimwi acilulumo. Kunembo lya cuuna kwakalinga kunyaka shimunimweenge shili shosanwe ashobilo. Isho njemishimu ili yosanwe ayobilo yakwe Lesa.

Ciyubululo 8:5

Lyalo munjelo wakabwesa cakubikamo tununkila kabotu cilya akubwesa makalangasha pacipaililo, wacisusha akuciwaala mucishi ca panshi. Mpomunyaawo kwakaba ciyobeyobe alimwi acilulumo, kubeka kwa mfula alimwi acitentanshi.

1 Samwelo 7:10

Samwelo kaacibenga mulambu, bene Filisiti bakasena kwaamba ayi balwane bene Isilaeli. Sombi mpomunyaawo Mwaami Lesa wakabalulumina kuswa kwiculu. Bakafulungana maano akutalika kucica mukulisukama.