Kulumbaisha 28:9 - Baibo Busansulushi Bwa Libuku Ili

⁹ Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.

Kulumbaisha 28:9 Marejeleo ya Msalaba

2 Samwelo 21:3

Lyalo Defedi wakabeepusha ayi, “Ino inga ndamucitilanshi? Ntooyanda kusonsola cilubo cakacita Saulo kuli ndimwe kwaamba ayi mwebo musengele coolwe bantu ba Mwaami Lesa.”

2 Samwelo 7:7

Mukweenda kwangu koonse abantu bene Isilaeli nshina kwiipushawo kale mutanjilili wangu uli woonse, uyo ngondakalisalila ayi alame bantu bangu ncaatakwe kunjakila ŋanda ya shisamu sha sida.’

1 Baami 8:51

Aba mbantu banu abo mbomwakakusha muIjipiti, mulya muli anga mumulilo usungulula mabwe.

1 Baami 8:53

Mwakabasala pakati ka bantu bamwi boonse kwaamba ayi babe bantu banu, bweenka mbuli mbomwakabalwiita kwiinda muli Mose musebenshi wanu, ndimwakakusha bamashali besu bakulukulu kuswa mucishi ca Ijipiti.”

Esila 1:4

Na bantu bakwe bamwi bali mushishi sha busha kabasuni kucafwikwa ayi baboolele kumishaabo, beshikamukobonyinaabo balyeelete kubacafwa. Balyeelete kubapa silifa, golodi, shakulya, shifubwa alimwi ashipo sha kuŊanda yakwe Lesa muJelusalemu.”

Kulumbaisha 14:7

Ncakwiila inga cabota abuumbi lupulusho lwa bene Isilaeli kuswa kuSiyoni! Mwaami Lesa aakuboosesha bantu bakwe bubile, boonse bamulunyungu lwakwe Jakobo, ee, bene Isilaeli ndyeshi bakasangalale.

Kulumbaisha 25:22

NobaLesa amupulushe bene Isilaeli, amubapulushe kuswa mumapensho abo oonse.

Kulumbaisha 78:71

Wakamubwesa nkwaakalinga kweembela mbelele akumubika ayi abe mweembeshi wa bamulunyungu lwakwe Jakobo. Wakaba mweembeshi wa bantu bakwe bene Isilaeli.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 46:3

Mwaami Lesa waamba ayi, “Amukutike ono nobamulunyungu lwakwe Jakobo, ee, mwebo nomwakacaalaawo pabantu bangu bene Isilaeli. Ndamulama kuswa kuciindi ndimwakamitwa, ncakwiila kumulama kuswa ciindi ndimwakashalwa.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Mateyo 2:6

‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Dutolonomi 1:31

amuluyanga. Mwakabona mbwaakamweensha kabotu lweendo loonse kushika pamusena pano, bweenkabo mbuli mushali musankwa mbweenga wanyamuna mwanaakwe musankwa.’

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Dutolonomi 9:26

Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’