Kulumbaisha 28:4 - Baibo Busansulushi Bwa Libuku Ili

⁴ NobaLesa amubalambule kweelana amicito yabo, ncakwiila kweendelana akubica kwa milimo yabo. Amubacitile kweelana abweelete shintu nshebacita, ee, kubabooshesha cilambu ncebeelete kupekwa.

Kulumbaisha 28:4 Marejeleo ya Msalaba

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

Esila 9:13

Anu isho shakacitika kuli ndiswe, shakacitika ceebo ca micito yesu ibiibi iyo italifulili. Nakubi boobo, nobaLesa besu mwatupa mulandu uniini kwiinda shibiibi shesu mbosheelete alimwi mwatusuminisha kunoocili boomi swebo sotwacaalaawo.

Kulumbaisha 103:10

Taatupi milandu kweelana ashibiibi shesu, nabi kutubooshela cishole kweelana ashilubo shesu.

Kulumbaisha 21:10

Bamulunyungu lwabo mulaakubanyonyoola kuswa pacishi ca panshi, ncakwiila taaku bulowa bwabo bweshi bukacaaleewo pakati ka bantu bamwi boonse.

Kulumbaisha 5:10

Ncakwiila amubape mulandu nobaLesa. Shintu nshebapinga kucita ashibanyonyoole. Amubataande kuswa pemeenso anu ceebo ca shibiibi shabo shiinji, alimwi aceebo cakwaashukila ndimwe.

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

Malilo 3:64

NoBaami baLesa, amubaboosheshe cishole kweelana ambobeelete, ncakwiila kweelana anshebakacita.

Esekelo 38:10

Mwaami Lesa Shinkusu shoonse waamba ayi, “Bushiku ubu ulaakuba amuyeeyo ubiibi.

Bene Loma 11:22

Ono mulyeelete kwishiba ayi Lesa ngushinkumbu alimwi ngumukali. Ngumukali kubaabo bakabisha, sombi ulicite nkumbu kuli ndimwe, kulilabo na kamucita sheesho nsheenga shaleta nkumbu shakwe. Sombi na mwabula kucita boobo, Lesa ulaakumutyola amwebo.

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.

Ciyubululo 22:12

Jesu utokwaamba ayi, “Amubone, ntoofwambaana kuboola! Ndaakuletelela ashilambu shangu shakwisa mukupa muntu womwi awomwi kweelana anshaakacita.