Kulumbaisha 27:5 - Baibo Busansulushi Bwa Libuku Ili

⁵ Muciindi ca mapensho ulaakunshisa, ulaakundama kabotu muŊanda yakwe isalalite, ee, ulaakumbika pamusena pataaku cakulibilika.

Kulumbaisha 27:5 Marejeleo ya Msalaba

2 Makani 22:12

Joashi wakalinga kushisitwe kwamyaaka yosanwe awomwi muŊanda yakwe Lesa mweenka umo. Paciindi ico Ataliya ngowakalinga kulela cishi.

Kulumbaisha 10:1

Ceebonshi noBaami baLesa mulaboneka anga muli kulaale? Mulabonekelanshi anga muliyubite ndituba mumapensho?

Kulumbaisha 119:114

Mwebo ndimwe ciyubilo aliyawo lyangu. Mumaswi anu momuli kulangila kwangu.

Kulumbaisha 138:7

Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.

Kulumbaisha 17:8

Amundaame kabotu bweenka bulamwa liinso, amunshiise muliimfwa lyanu bweenka nkuku mboifukatisha baana.

Kulumbaisha 18:33

Ulanengesha kulyata panshi cakushimpa, alimwi ulandama ciindi ndyeemba patulundu.

Kulumbaisha 31:20

Bantu abo mulabashisa muliimfwa lyanu, kubashisa kuswa kumiyeeyo ibiibi ya balwani. Mulabashisa mumusena wanu mutaamu cakulibilika ayi bafunwe kumatushi aswa kubalwani babo.

Kulumbaisha 31:21

Aalumbaishikwe Mwaami Lesa! Wakatondesha lusuno lwakwe pali ndime munshila ikankamika. Ndakalubona muciindi mapensho ndyaakantyaanisha anga nindabala yashingulukwa abashilumamba.

Kulumbaisha 40:2

Mpeeke wakansubula kuswa mucilindi ca lufu umo mwakalinga cineemuneemu ca mankatya. Lyalo wakambwesa akunjimika pamwaandami, ncakwiila pamusena apo pataapu cakulisukama.

Kulumbaisha 40:3

Wakanjiisha lwiimbo lupya, lwiimbo lwakulumba Lesa wesu. Bantu baanji baakubona boobo balaakulemeka akucinka manungo muMwaami Lesa.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.

Kulumbaisha 61:2

Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.

Kulumbaisha 61:3

Ceebo mwebo ndimwe ciyubilo cangu. Ndimwe mumfuna kuswa kubalwani bangu.

Kulumbaisha 77:2

Ndindakalinga mumapensho ndakapaila kuMwaami Lesa. Ciindi ca mashiku ndakatambika maansaangu pakupaila, sombi nshina kucana kukalikwa moyo.

Kulumbaisha 83:3

Batoopangana miyeeyo ya bushishi ayi balwane bantu banu. Batoopinga baabo mbomutabilila.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Isaya 26:20

Kamuya nobene misheesu, amunjile mumaandaanu. Amulicalile mushipinda shanu kushikila bukali bwakwe Lesa bwiinde.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Bene Kolose 3:3

Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa.