Kulumbaisha 27:4 - Baibo Busansulushi Bwa Libuku Ili

⁴ Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 27:4 Marejeleo ya Msalaba

2 Samwelo 21:1

Muciindi ca bwaami bwakwe Defedi kwakaba nsala iyo yakatola myaaka yotatwe. Mpeeke Defedi wakeepusha Mwaami Lesa pacikani ico. Mwaami Lesa wakaamba ayi, “Nceebo cakwe Saulo alimwi abamuŋanda yakwe bacite mulandu wakutila bulowa. Saulo wakacaya bene Gibyoni.”

Kulumbaisha 23:6

Ncakwiila shintu shibotu alusuno lwanu shinanooli anebo mubuumi bwangu boonse. Aboobo ŋanda yanu ilaakuba ngomusena wangu lyoonse alyoonse.

Kulumbaisha 26:6

Ndasamba kumaansa kutondesha ayi taaku cibiibi ncendakacita, ndeendaana kucipaililo canu mukumulambila noBaami baLesa.

Kulumbaisha 26:8

NoBaami baLesa, Ŋanda njemukalaamo ndiisuni, nkokwaamba ayi musena uyo mucanika bulemu bwanu.

Kulumbaisha 27:8

Mwebo mwakaamba ayi, “Kamunambila.” Nebo ndakaamba ayi, “Ndanoomulambila noBaami baLesa,

Kulumbaisha 50:2

Bulemu bwakwe Lesa bulabala kuswa muSiyoni, ndabala inene iyo ibotu cakushika peela kubota.

Kulumbaisha 65:4

Balicite coolwe abo mbomwakasala, abo mbomwakaleta ayi bekale mumusena wanu usalalite. Tulaakukuta kushintu shibotu sha muŋanda yanu, ncakwiila shoolwe shamuŊanda yanu isalalite.

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

Kulumbaisha 84:4

Balicite coolwe abo bekala muŊanda yanu, akumwiimbila nyimbo shakulumbaisha.

Kulumbaisha 90:17

Nobaami baLesa, baLesa besu nkumbu shanu shibe aswebo. Amutulengeshe kuswitilila mushintu shoonse nshetucita.

Jelemiya 29:13

Mulaakunyandoola akuncana ceebo mulaakunyandoola camoyo woonse.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Luka 10:42

Sombi ncintu comwibo cisunikwi. Maliya wasala cintu ciluleme alimwi teshi akanyaikweewo.”

Luka 13:24

“Amweeleshe cankusu kwinjila pamulyango ushaankene mukwiinga ntoomwaambila ayi bantu baanji balaakweelesha kwinjila, sombi teshi bakacikoonshe.

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Filipi 3:13

Nobamakwesu, nshintooyeeya ayi ndashicana kale, sombi cintu cinene nceencita nkushiya shoonse shili kwisule akusukamabo shili kunembo.

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.

Bene Ebulu 11:6

Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”

1 Samwelo 22:10

Aimeleki wakamwiipushishaako kuMwaami Lesa akumupa shakulya alimwi amupeeni wakalinga wakwe Golyati mwine Filisiti.”

1 Samwelo 30:8

Mpeeke Defedi wakeepusha Mwaami Lesa ayi, “Sa beshikusaala bacita bobulya mbakonkele? Sa ntoobeensha?” Mwaami Lesa wakakumbula ayi, “Ee, bakonkele, utoobeensha alimwi utoofuna bantu bako.”