Kulumbaisha 26:3 - Baibo Busansulushi Bwa Libuku Ili

³ Ceebo lyoonse nshilubi lusuno lwanu lutamaani, alimwi lyoonse mubuumi bwangu ndeenda cakushomeka kuli ndimwe.

Kulumbaisha 26:3 Marejeleo ya Msalaba

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Kulumbaisha 101:2

Ndaakukonkela nshila shitacite kampenda. Ino mwebo mulaakwisa lili kuli ndime? Ndaakwikala muŋanda yangu kaantacite kampenda,

Kulumbaisha 119:142

Kululama kwanu nkwamuyayaya. Ayalo milawo yanu njalushinisho.

Kulumbaisha 25:5

Amunjiishe akuntanjilila mulushinisho lwanu, mukwiinga ndimwe baLesa nomumpulusha. Lyoonse ndalangila lucafwo kuswa kuli ndimwe.

Kulumbaisha 52:1

Omubile webo, ceebonshi ulalisumpwita pabubi? Kushomeka kwakwe Lesa nkwalyoonse alyoonse.

Kulumbaisha 86:11

NoBaami baLesa amunjiishe mboonjelete kweenda, kwaamba ayi nkanokweenda mulushinisho lwanu. Amunjiishe kumusebensela amoyo wangu woonse, kwaamba ayi noolemeka liina lyanu.

Isaya 2:5

Aboobo mwebo nobamulunyungu lwakwe Jakobo amwise tweendele mumumuni wa Mwaami Lesa!

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Luka 6:36

Amube ankuumbu bweenka mbuli Ishiwanu wa kwiculu.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

2 Joni 1:4

Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.

3 Joni 1:11

Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.