Kulumbaisha 25:3 - Baibo Busansulushi Bwa Libuku Ili

³ Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

Kulumbaisha 25:3 Marejeleo ya Msalaba

Matalikilo 49:13

“Sebuluni ulaakwikala kufwaafwi alweenge, cito cakwe cilaakuba cito kwakushisila maato. Cishi cakwe cilaakushika akuSidoni.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

Kulumbaisha 109:3

Balaamba shintu shibiibi pali ndime, ndushinisho balandwana pataapu aceebo.

Kulumbaisha 119:78

Bantu balisumpula abalenshekwe nsoni ceebo cakumbekesha. Sombi nebo ndanooyeeyabo pamilasho yanu.

Kulumbaisha 123:2

Bweenka mbuli musha mbwaalangilisha kumwaami wakwe, bweenka musebenshi mwanakashi mbwaalangilisha kumwaami wakwe mwanakashi, mbweeke ubo aswebo mbotulangilisha kuli ndimwe, noBaami baLesa, baLesa besu, kushikila mukatufwite nkumbu.

Kulumbaisha 132:18

Ndaakulensha nsoni balwani bakwe, sombi buleelo bwakwe bulaakuyuma akuswitilila.”

Kulumbaisha 22:6

Ono bulya ndi kabwabo, nshicibete muntu. Ndi shikushibulukwabo akusebaanishikwa kubantu.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Kulumbaisha 31:17

Nebo lyoonse ndapaila kuli ndimwe, mutakandeeki ayi nkomwe akulenshekwa nsoni. Sombi bamucita shibi balo mubalenshe nsoni. Abaye kushuumbwe cakubulawo liswi nabi lyomwi.

Kulumbaisha 31:18

Amucale milomo ya bantu babeshi, bantu balyuuma mucaamba akulisumpula, abo baamba maswi abiibi akulisumpula pabantu basalalite.

Kulumbaisha 33:20

Kulangila kwesu kuli muMwaami Lesa. Ngootucafwa alimwi ndyeliyawo lyesu.

Kulumbaisha 35:26

Abo boonse basangalala kubona mapensho angu, abalenshekwe nsoni mukukomwa alimwi abukaluyaluya. Ee, boonse balisumpula ceebo ca ndime abasebaane akulenshekwa nsoni.

Kulumbaisha 37:34

Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.

Kulumbaisha 6:10

Balwani bangu boonse balaakulokwa akulikumbata. Cakufwambaana balaakupiluka akufwa nsoni shiinji.

Kulumbaisha 62:1

Moyo wangu ulababo tontolo kulangila kuli Lesa, mukwiinga kuli nguwe eenka nkokuswa lupulusho lwangu.

Kulumbaisha 62:5

Omoyo wangu umunabo tontolo mukushoma kuli Lesa, mukwiinga kuli nguwe eenka nkokuswa lulangilo lwangu.

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Kulumbaisha 69:6

Mutansuminishi kulensha nsoni abo bacinkite manungo muli ndimwe, noBaami baLesa, baLesa Beshinkusu shoonse. NobaLesa ba bene Isilaeli, mutansuminishi ayi ndete musebaanyo pabaabo bamulambila.

Kulumbaisha 71:13

Abo basuni kuncaya abalobelele munsoni shabo. Ee, abo basuni kuncisa abanyonyooke cakusebaana akushibulukwa.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Malilo 3:25

Mwaami Lesa ngumubotu kuli baabo balangila kuli nguwe. Ncakwiila ngumubotu kuli wooyo uyandoola lucafwo kuli nguwe.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Bene Loma 8:25

Aboobo na tutoolangila cintu ncetutabwene, tulyeelete kutolelela kulangila.