Kulumbaisha 22:6 - Baibo Busansulushi Bwa Libuku Ili

⁶ Ono bulya ndi kabwabo, nshicibete muntu. Ndi shikushibulukwabo akusebaanishikwa kubantu.

Kulumbaisha 22:6 Marejeleo ya Msalaba

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

Jobo 25:6

ino muntu inga ceela kuli? Sa te muntu ulibo anga ndipila? Ee, muntubo, sa te ulibo anga ncaambo?”

Kulumbaisha 25:3

Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

Kulumbaisha 31:1

Nobaami baLesa, muli ndimwe moonjuba. Mutakandeeki ayi nkomwe akulenshekwa nsoni, sombi mukampulushe ceebo ca bululami bwanu.

Kulumbaisha 31:11

Balwani bangu boonse balanshibuluka, abalo beshikamukobonyinaangu balanaama. Beensuma boonse batalika kunoonda, kulilabo kumbona mumukwakwa, nkucica.

Kulumbaisha 41:5

Balwani bangu batokwaamba shikani sha bucayi pali ndime. Balisuni kwaamba ayi nebo mfwe, liina lyangu lilobe.

Kulumbaisha 88:8

Mwalengesha beensuma kunsuula, ndaba cintu cilensha bunya kuli mbabo. Ndi anga ngumukaili utakoonshi kuloboka.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Malilo 3:30

Aasumine kuumwa nabi kucobolwa, ee, aasumine kusebaanishikwa.

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”

Mateyo 12:24

Sombi baFalisi ndibakanyumfwa makani aya, bakaamba ayi, “Taaku umbi, nguBilusebulu mwaami wa bashikaswa umupa nkusu shakubakusha.”

Joni 7:15

Bamaloba ba baJuda bakakankamana abuumbi akwaamba ayi, “Ino muntu uyu ulishi buyani shintu shoonse ishi nabi taana kuyaawo amukushiiya.”

Joni 7:20

Bantu baanji bakakumbula ayi, “Ulicite shikaswa webo! Ngani utooyanda kukucaya?”

Joni 8:48

Mpomunyaawo baJuda bakamwiipusha ayi, “Sa tatukwe kwaamba calushinisho nditwalinga twaamba ayi uli mwine Samaliya alimwi ayi ulicite shikaswa?”

Bene Ebulu 13:12

Nceceeco Jesu alakwe ncaakafwita pansengwe lya ndabala inene, kwaamba ayi asalashe bantu kuswa kushibiibi shabo kwiinda mubulowa bwakwe mwiine.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!