Kulumbaisha 22:5 - Baibo Busansulushi Bwa Libuku Ili

⁵ Bakalinga kumulilila, amwebo mwakalinga kubapulusha. Bakalinga kucinkite manungo muli ndimwe alimwi temwakalinga kubalensha nsoni.

Kulumbaisha 22:5 Marejeleo ya Msalaba

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

Kulumbaisha 106:44

Nakubi boobo Mwaami Lesa wakanyumfwa kulila kwabo alimwi wakabona buumba bwabo.

Kulumbaisha 31:1

Nobaami baLesa, muli ndimwe moonjuba. Mutakandeeki ayi nkomwe akulenshekwa nsoni, sombi mukampulushe ceebo ca bululami bwanu.

Kulumbaisha 71:1

NoBaami baLesa ndayuba muli ndimwe. Mutakandekeleshi ayi nenshekwe nsoni.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Danyelo 3:28

Lyalo mwaami wakaamba ayi, “Aalumbaishikwe Lesa wakwe Shadileki, Mishaki awakwe Abedinego! Wakatuma munjelo wakwe kwaamba ayi afune basebenshi bakwe. Bakacinka manungo muli nguwe akusuula mulawo wangu nemwaami. Bakalinga kulibambite kufwa kwiinda kusebensela akulambila lesa umwi, sombibo Lesa wabo.

Bene Loma 10:11

Malembo akwe Lesa alaamba ayi, “Uyo woonse ushoma, teshi akalenshekwe nsoni.”

Bene Loma 9:33

Bweenka bwaamba Malembo akwe Lesa ayi, “Amunyumfwishishe, ndabiika libwe muSiyoni ndibalisuntulaako bantu. Ncakwiila ndabiika mwaandami ngweshi bakanoolisuntulaako. Sombi uyo woonse ushoma muli nguwe teshi akanyumfwe nsoni.”

1 Pita 2:6

Mukwiinga Malembo alaamba ayi, “Amubone, ndasala libwe liyandika abuumbi. Ndalibika muSiyoni mulikonko lya ŋanda, ushoma muli nguwe teshi akanyumfwe nsoni.”

Boomboloshi 4:3

Mwaami Jabini uyo wakalinga kucite shikoci sha nshimbi shili 900 alimwi wakalinga kweendelesha bene Isilaeli calunkutwe kwamyaaka makumi obilo. Paceebo ceeci bene Isilaeli bakalilila Mwaami Lesa ayi abacaafwe.

Boomboloshi 6:6

Ncakwiila bene Midyani bakapensha bene Isilaeli abuumbi. Aboobo bakalilila Mwaami Lesa ayi abacaafwe.