Kulumbaisha 22:16 - Baibo Busansulushi Bwa Libuku Ili

¹⁶ Likoto lya bantu babiibi lilinshingulukite, bambika pakati anga ndikoto lya baumpe. Bayasa maansaangu ashimpanta shangu.

Kulumbaisha 22:16 Marejeleo ya Msalaba

Kulumbaisha 22:1

“NobaLesa bangu, nobaLesa bangu, ino nciinshi ncemwandekeleshesha?” Nceebonshi ncemutoobula kuncafwila? Ceebonshi tamutoonyumfwa kutongela kwangu?

Kulumbaisha 22:20

Amufuune buumi bwangu kulufu lwa mupeeni, mumpulushe kubalwani abo bali anga mbaumpe.

Kulumbaisha 38:11

Beensuma abeshikamukobonyinaangu tabatoonshika pafwaafwi ceebo ca shiloonda nsheencite. Abalo bamuŋanda yangu balakalila palaale anebo.

Kulumbaisha 59:14

Balwani bangu balesa macolesha kabesa cibuluma anga mbakabwa, kabaya ceendeenda mundabala inene.

Kulumbaisha 59:6

Balesa macolesha kabesa cibuluma anga mbakabwa, kabaya ceendeenda mundabala inene.

Kulumbaisha 86:14

Bantu beshikulisumpula batoondwana nobaLesa. Likoto lya bantu beshilunkutwe balisuni kuncaya. Ncakwiila abo mbantu batashomi muli ndimwe.

Isaya 53:5

Sombi wakayaswa ceebo ca kusotoka milawo kwesu, wakalyatililwa ceebo ca shibiibi shesu. Lakwe wakalemenwa milandu yesu kwaamba ayi swebo tube muluumuno. Ceebo ca shilonda shakwe twakashilikwa.

Jelemiya 12:6

Bakwanu, ee, mboolyaabo mbale yomwi, bakwaaba. Balapaankana abantu bamwi ayi bakulwaane Utanoobashoma nabi kabaamba shibotu pali ndiwe.”

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Mateyo 26:57

Bantu abo bakacata Jesu bakamutola kuŋanda yakwe Kayafasi, mupailishi munene, uko kwakalinga kubungene bafundishi ba Milawo abamaloba ba baJuda.

Mateyo 27:35

Ndibakamana kumupopa pamucilingano, bakabaana shisani shakwe kwiinda mukuuma cisolo.

Mateyo 7:6

“Mutapi bakabwa shintu shisalalite mukwiinga inga bamupilukila bamuluma. Mutapi nkumba shintu shamakwebo ceebo inga shalyatooloobo myeendo.

Maako 15:24

Mpomunyaawo bakamupopa pamucilingano akwaabana shisani shakwe mukuuma cisolo ayi babone womwi awomwi cisani nceshi atole.

Luka 23:23

Sombi boonse bakayuminina koolobesha ayi, “Ulyeelete kupopwa pamucilingano.” Mpeeke Pilato wakakomwa kumaswi abo.

Luka 23:33

Lyalo ndibakashika kumusena wiitwa ayi Cifuwa ca mutwi, bakapopa Jesu pamucilingano. Abalo beepi abo bakabapopa pamicilingano, umwi kululyo alakwe umwi kucipiko.

Joni 19:23

Bashilumamba ndibakamana kupopa Jesu pamucilingano, bakanyamuna shakufwala shakwe akushikwamuna mushipansha shone, waya cipansha comwi. Bakabwesa amwinjila wakwe uyo wakalinga kweensenebo kuswa peculu kushikila apanshi, kootacite mukunko.

Joni 19:34

Sombi umwi wa bashilumamba wakayasa Jesu lisumo kumbafu. Mpeeke bulowa amaanshi shakeendililabo kuswa.

Joni 19:37

aMalembo amwi aamba ayi, “Bantu balaakulanga kuli wooyo ngobakayasa.”

Joni 20:25

Aboobo bashikwiiya bamwi abo bakamulwiita ayi, “Twababona Baami!” Tomasi wakabakumbula ayi, “Inga nshisuminiiwo, sombibo nkabone shilonda sha misipikili mumaansaakwe akwinjisha munwe wangu mushilonda isho alimwi alyaansa lyangu kumbafu nkwaakayaswa lisumo.”

Joni 20:27

Lyalo wakaambila Tomasi ayi, “Njisha munwe wako apa alimwi ubone amaansaangu. Fungulula lyaansa lyako unjishe kumbafu shangu. Ono cileke kutonsha, ushome.”

Bene Filipi 3:2

Amucenjele abantu bacita shibiibi abo bali anga mbakabwa, abo bantu bacikakatisha kupalulwa.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.