Kulumbaisha 22:11 - Baibo Busansulushi Bwa Libuku Ili

¹¹ Mutekali palaale anebo ceebo mapensho ali pafwaafwi kumbonekela, alimwi taaku umwi weenga wancafwa, sobwe.

Kulumbaisha 22:11 Marejeleo ya Msalaba

2 Baami 14:26

Ono Mwaami Lesa wakabona mapensho ayoosha a bene Isilaeli boonse. Tekwakalinga nabi womwi wakalinga kukonsha kubacafwa.

Kulumbaisha 10:1

Ceebonshi noBaami baLesa mulaboneka anga muli kulaale? Mulabonekelanshi anga muliyubite ndituba mumapensho?

Kulumbaisha 35:22

NoBaami baLesa mulishibwene shoonse ishi. Aboobo mutoomunibo anga tamushibwene. Ee, Nkambo, mutalitalamushi kuswa kuli ndime!

Kulumbaisha 38:21

NoBaami baLesa, mutamfutatili, mutabi kulaale anebo nobaLesa, baLesa bangu.

Kulumbaisha 69:18

Amusene pafwaafwi anebo akumpulusha. Amumfuune kuswa kubalwani bangu.

Kulumbaisha 71:12

NobaLesa bangu, mutabi kulaale anebo. Amufwambaane kuncafwa nobaLesa bangu.

Kulumbaisha 71:6

Kuswa kukushalwa kwangu ndishomete muli ndimwe. Mwakandama kwaamba ayi nshalwe kabotu. Aboobo ndaakunoomulumbaisha lyoonsebo.

Kulumbaisha 72:12

Ceebo ulafuna bakandu na bamulilila, abalyatililwa abo batacite shikubacafwa.

Isaya 63:5

Ndakalangalanga, sombi taaku ngondakabona weenga wancafwaako. Ndakankamana kubona kwaamba ayi taaku shikuncafwa nabi womwi. Paceebo ceeco ndakakoma kwiinda mulyaansa lyangu lya nkusu. Bukali bwangu bwakampa nkusu.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Mateyo 26:72

Pita wakakaka alimwi, akulumbila ayi, “Ncakwiila nebo nshimwinshiiwo muntu uyo!”

Mateyo 26:74

Sombi Pita wakaalabo, wasansaawo amaanshi akutalika kulumbila ayi, “Lesa ulimbwene na ntokwaamba cakubeca. Uyu muntu nebo nshimwishiiwo.” Paciindi ceenka ico kombwe wakalila.

Joni 16:32

Ciindi cilaakushikila, ncakwiila cashikila kale cakupalanganishikwa kuya mwanu mwanu. Lyalo mulaakunshiyabo neenka. Sombi nshibete neenka mukwiinga baTa bali anebo lyoonse.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.