7 Mwaami wesu ulicinkite manungo muMwaami Lesa Shinkusu shoonse, alimwi kwiinda mulusuno lutamaani lwakwe Lesa Wiindaawo teshi akatyuunkwe munwe.
Ono nebo ndicinkite manungo mulusuno lwanu lutamaani. Moyo wangu ulaakusangalala mukwiinga mulaakumfuna.
Lyoonse ndatanjisha Mwaami Lesa wangu. Aboobo teshi nkapenge ceebo uli pafwaafwi anebo.
Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.
NoBaami baLesa, amutondeshe kululama kwangu mukwiinga ndacita shiluleme mubuumi bwangu, alimwi ndicinkite manungo muli ndimwe noBaami baLesa cakutatonsha.
Amukobeke mupeeni wanu kulubasu lwa kukasolo mwebo nobeshinkusu, mweende ca bwaami mubulemu bwanu.
Amunsuminishe kwikala mumusena wanu usalalite kwabuumi bwangu boonse. Aankale munshaacimfule ca mapapaminwa anu kwaamba ayi mbule cakulisukama.
Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.
Ndaakwiimba cakusangalala ceebo ca ndimwe. Ndaakulumbaisha liina lyanu noBaami Beendaawo.
ulaakwaamba kuMwaami Lesa ayi, “Ndimwe bapulushi bangu, muli ndimwe moonjuba. Ndimwe baLesa bangu, muli ndimwe moocinkite manungo.”
Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.
Ulashoma muli Lesa akwaamba ayi, ‘Ndi Mwanaakwe Lesa.’ Ono Lesa aamupulushe na ulimusuni!”
Wakaamba alimwi ayi, “Ndaakushoma muli Lesa.” Alimwi ayi, “Ndiwaano abaana abo Lesa mbwaakaampa.”
Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.