Kulumbaisha 20:8 - Baibo Busansulushi Bwa Libuku Ili

⁸ Balo balaceeshekwa akukomwa, sombi swebo tulasumpuka akushimpa.

Kulumbaisha 20:8 Marejeleo ya Msalaba

2 Baami 19:23

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

2 Makani 14:10

Asa wakaya mukumulwana. Lyalo makoto a bashilumamba oonse obilo bakalibamba mumisena yakulwanina muCinyika ca Sefata kufwaafwi akuMalesha.

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

Esila 8:22

Ndakalisenda kusenga mwaami bashilumamba nabi beshimaaki bakutufuna kubalwani besu munshila, mukwiinga twakaambila mwaami ayi, “BaLesa bali abaabo boonse babashoma, sombi balicite bukali bunene kubaabo babakaka.”

Kulumbaisha 124:8

Lucafwo lwesu lulaswa kuMwaami Lesa uyo wakalenga liculu acishi ca panshi.

Kulumbaisha 125:1

Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.

Kulumbaisha 33:16

Mwaami taapulushikwi ceebo cakufula kwa bashilumamba bakwe. Taaku shilumamba ukoma kwiinda munkusu shakwe shiinji.

Kulumbaisha 33:17

Liaki lya nkondo teshi lyakushoma ayi lilapulusha. Nabi lilicite nkusu shiinji, talikoonshi kupulusha.

Tushimpi 21:31

Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Mika 7:8

Nobalwani besu, mutalisumpuli pali ndiswe. Nabi twawa, tulaakubuka. Nabi tube mumunshinshe, Mwaami Lesa ulaakuba mumuni wesu.

Joshuwa 11:4

Boonse abo bakesa abashilumamba babo boonse, maaki aanji alimwi ashikoci shiinji. Bakalinga baanji bweenka mbuli museese wa muloombe lwa lweenge.

Boomboloshi 5:31

“NoBaami baLesa, balwani banu boonse abalobe, sombi abo bamusuni babe anga ndisuba liswa cankusu.” Lyalo mucishi cabo mwakaba luumuno kwamyaaka makumi one.

1 Samwelo 17:45

Sombi Defedi wakaambila mwine Filisiti uyo ayi, “Webo utoosa mukundwana amupeeni alimwi amasumo. Ono nebo ntookulwana muliina lya Mwaami Lesa Shinkusu shoonse, Lesa wa likoto lya bashilumamba lya bene Isilaeli, uyo ngowanyansha.