Kulumbaisha 20:7 - Baibo Busansulushi Bwa Libuku Ili

⁷ Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Kulumbaisha 20:7 Marejeleo ya Msalaba

2 Samwelo 10:18

Sombi bakacica kuloonda bene Isilaeli. Mpeeke Defedi wakacayaawo bashilumamba beshikulwanina mushikoci sha maaki bali 700 alimwi abapanshibo bali 40,000. Shobaki mutanjilili wa bashilumamba babo alakwe bakamuyasa akufwa peenka apo.

2 Samwelo 8:4

Defedi wakacata busha bashilumamba balwanina mushikoci sha maaki bali 1,700, bapanshibo bali 20,000. Mpeeke Defedi wakatyoloola myeendo ya maaki oonse akushiyabo akwana shikoci shili mwaanda.

2 Makani 13:16

Aboobo bene Isilaeli bakacica kuswa kubene Juda mukwiinga Lesa wakabaaba mumaansa a bene Juda.

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

2 Makani 32:8

Lakwe ulicitebo nkusu shabuntu, sombi swebo tulicite Mwaami Lesa, Lesa wesu uyo utucafwa munkondo shesu shoonse!” Lyalo bene Juda boonse bakayuminishikwa kumakani akaamba Esekiya mwaami wabo.

Jobo 39:11

Sa inga wacinka manungo munkusu shiinji sha njiyo akwiilangila kwaamba ayi itoocita milimo yako iyumu?

Kulumbaisha 28:8

Mwaami Lesa ngoopa nkusu bantu bakwe, ngoofuna akupulusha mwaami uyo ngwaakasala.

Kulumbaisha 45:17

Ndaakumutola mpuwo akumashalane oonse acisa kunembo, paceebo ceeco bantu boonse balaakunoomulumbaisha kwamuyayaya.

Tushimpi 21:31

Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.

Isaya 30:16

Mwebo mwakaamba ayi, ‘Sobwe. Swebo tulaakucica pamaaki esu.’ Anu ncibotu mulaakucica. Mwakaamba ayi, ‘Tulaakucica pamaaki esu eendaawo kucica.’ Sombi beshibakanooya cimutandaanya balaakumwiindaawo lubilo.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Jelemiya 17:5

Mwaami Lesa utokwaamba ayi, “Ulishingenwe uyo ucinka manungo mumuntunyina, ee, uyo ushoma mumuntubo ayi inga wamucafwa ncakwiila uyo ufutatila Mwaami Lesa.

1 Samwelo 13:5

Bene Filisiti bakalibungabunga ayi balwane bene Isilaeli. Bakalinga kucite shikoci sha nkondo shili shuulu makumi otatwe, beshikulwanina pamaaki bali shuulu shosanwe acomwi alimwi abashilumamba bamwi baanji anga ngumuseese wa muloombe lwa lweenge. Bakaya kuMikimashi kwicwe lya Beti Afeni akuyaka misumba yabo uko.

1 Samwelo 2:10

Balwani ba Mwaami Lesa balaakunyonyoolwa, ulaakubakalalila mbuli cilulumo ca mfula kuswa kwiculu, Mwaami Lesa ulaakoombolosha cishi ca panshi coonse. Ulaakupa nkusu mwaami ngwaakasala, mwaami uyo ulaakumulengesha kukoma.”