Kulumbaisha 20:4 - Baibo Busansulushi Bwa Libuku Ili

⁴ Aamupe ceeco ncemulila mumoyo wanu, akulengesha nshemubamba shoonse kuswitilila.

Kulumbaisha 20:4 Marejeleo ya Msalaba

2 Samwelo 24:23

Shintu shoonse ishi nebo neAlauna ndamupabo nobaami.” Alauna wakaambila Defedi alimwi ayi, “Mwaami Lesa, Lesa wanu aatambule mulambu wanu.”

2 Makani 9:12

Mwaami Solomoni wakapa mwaami mwanakashi wa kuShiba shoonse shintu nshaakasenga, kutabelenga shintu shimwi nshaakapa mwaami mwanakashi uyo kweelana akwishibila kwa bene Isilaeli. Lyalo lakwe abeshikumucafwa bakaboolela kucishi ca Shiba.

Kulumbaisha 145:19

Abo bamulemeka ulabapa shoonse nshebasuni. Ulanyumfwa kulila kwabo akubafuna.

Kulumbaisha 21:2

Mwakamupa ncaakalinga kulila mumoyo wakwe. Ncakwiila tamukwe kukaka kucita ceeco ncaakasenga.

Kulumbaisha 37:4

Kosangalala muMwaami Lesa, lakwe ulaakukupa nshoolila mumoyo.

Tushimpi 11:23

Miyeeyo ya muntu ululeme ilatola kushibotu, sombi kulangila kwa mucita shibi kuleela mubukali bwakwe Lesa.

Mateyo 21:22

Na mulashoma, mulaakutambula cili coonse nceshi mukasenge kuli Lesa kwiinda mumipailo.”

Joni 11:42

Ndishi kwaamba ayi lyoonse mulanyumfwa nceenga ndaseenga, sombi ndaamba boobo ceebo ca bantu bali waano, kwaamba ayi beshibe ayi ndimwe mwakantuma.”

Joni 16:23

“Pabushiku ubo taaku nceshi mukansenge. Ntoomulwiita calushinisho ayi baTa balaakumupa cili coonse nceshi mukasenge muliina lyangu.

Boomboloshi 13:23

Sombi mukaakwe wakamukumbula ayi, “Mwaami Lesa naalinga kusuni kutucaya neenga taakwe kutambula mulambu wesu wakutenta nabi cipo cesu ca fulaulo. Alimwi naakwiinga taakwe kututondesha nshetwabona nabi kutwaambila nshetwanyumfwa.”

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.