Kulumbaisha 20:3 - Baibo Busansulushi Bwa Libuku Ili

³ Mwaami Lesa aaibaluke milambu yanu yoonse akutambula milambu yanu yakutenta.

Kulumbaisha 20:3 Marejeleo ya Msalaba

Matalikilo 4:4

Mpeeke Abelo wakaleta twana twa mbelele tutaanshi kushalwa kushaakwe shimwi, watucaya akubenga mulambu wa shipansha shibotu sha ntuto kuli Lesa. Mwaami Lesa wakamukondwa Abelo akutambula mulambu wakwe.

1 Makani 21:26

Lyalo wakayakila Mwaami Lesa cipaililo kweenka uko akubenga milambu yakutenta aya bwanabwankashi. Wakapaila kushikila Mwaami Lesa wakatuma mulilo kuswa kwiculu kwaamba ayi milambu pacipaililo itentekwe.

2 Makani 7:1

Solomoni ndyaakamanabo kupaila, mulilo wakesa kuswa kwiculu akutenta milambu yoonse yakabengwa. Mpeeke bulemu bwa Mwaami Lesa bwakesula Ŋanda yakwe.

Kulumbaisha 128:5

Mwaami Lesa aakupe coolwe kuswa kuSiyoni. Ubone kuswitilila kwa Jelusalemu munshiku shoonse sha buumi bwako.

Kulumbaisha 134:3

Mwaami Lesa uyo wakalenga liculu acishi ca panshi aamupe coolwe kuswa kuSiyoni.

Kulumbaisha 51:19

Lyalo milambu yeelete ilaakumusangalasha. Ee, milambu yesu yakutenta ilaakumusangalasha alimwi bacende balaakubengwa pacipaililo canu.

Isaya 60:7

Mbelele shoonse sha Keda alimwi aNebaiyoti shilaakuletwa kuli ndiwe ayi njimilambu pacipaililo cangu. Lyalo ndaakubotesha Ŋanda yangu ya bulemu.

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Milimo ya Batumwi 10:4

Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.