Kulumbaisha 2:9 - Baibo Busansulushi Bwa Libuku Ili

⁹ Ulaakweendelesha mishobo ankooli ya ceela, akwiipwayoola anga nshintu shakubumba.’ ”

Kulumbaisha 2:9 Marejeleo ya Msalaba

Kulumbaisha 89:23

Ndaakunyonyoola balwani bakwe pameenso akwe. Ndaakucaya bantu boonse bamupatite.

Isaya 30:14

Ncakwiila lulapwayooka mutupanshapansha anga ninongo yapwaikwa cakutanenekela. Mpoyapwaikila palabula akapansha keenga kasebenseshekwa kulapula mulilo, nabi kutekwishako maanshi mumungomo.”

Isaya 60:12

Ceebo bamucishi nabi mubulelo beshi bakabule kukusebensela, balaakuloba. Balaakunyonyoolwa cakumaninina.

Jelemiya 13:14

Kuswawaawo ndaakumana kubapwayoola anga ninongo mukuboomanya, bamanene abanike bweenka. Teshi nkabafwitewo nkumbu nabi paniini shakunkasha kubanyonyoola. Nebo neMwaami Lesa ndaamba.’ ”

Jelemiya 19:11

akubaambila ayi nebo neMwaami Lesa Shinkusu shoonse ndaamba ayi, ‘Ndaakupwayoola mushobo uyu andabala iyi bweenka bwapwayooka nongo iyi cakutakonsha kununganishikwa. Bafu balaakufukilwa kuTofeti kushikila kukabule amusena wakufukilaako.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 2:45

Mwakabona libwe mbolyakakomoka kuswa pakalundu lyeenkabo kwakubula amuntu wakalikomona ambolyakapwayoola cibumbwabumbwa cakabumbwa cakapangwa anshimbi, bulonse, bulongo bwakutenta, silifa alimwi agolodi. Nobaami, Lesa wiindaawo bulemu utoomulwiita sheshi shikacitike kunembo. Ndamulwiita bweenka mbomwakalota alimwi akumulwiita mbocaamba cakutashiyaawo nabi comwi.”

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Mateyo 21:44

Uyo uwita palibwe ilyo, ulaakutyokooka, alimwi uyo ngweenga lyalokela, ulaakusansooka.”]

Ciyubululo 12:5

Mwanakashi uyu wakatumbuka mwaana musankwa uyo weshi akeendeleshe shishi shoonse ankooli ya nshimbi. Sombi mwaana uyu wakasompolwa akutolwa kwiculu kuli Lesa, uko kuli cuuna cakwe ca bwaami.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.