Kulumbaisha 18:8 - Baibo Busansulushi Bwa Libuku Ili

⁸ Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

Kulumbaisha 18:8 Marejeleo ya Msalaba

Matalikilo 19:28

Wakalangilisha Sodoma aGomola aliwesa lyoonse. Mpeeke wakabona bwiishi kabusunta anga butooswa mumunyumbi unene.

Jobo 41:19

Mukanwa mwakwe mulaswa mibengebenge ya mulilo alimwi mulaswa akakongolo ka mulilo utootolooka.

Kulumbaisha 104:32

Na walangilisha cishi ca panshi acalo cilatenkaana. Na wakumya tulundu atwalo tulasunta.

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Kulumbaisha 21:9

Bushiku mbweshi mukaboneke mulaakubawaala mumulilo uli anga ngwa mumunyumbi. Mwaami Lesa ulaakubamana katyenke mubukali bwakwe. Ncakwiila mulilo wakwe ulaakumana kubalobya.

Kulumbaisha 50:3

Lesa wesu utoosa, sombi kuteshi buumwite. Mulilo ubilima, ukali, ulibo muliimfwa lyakwe. Acalo cipuupu ciyoosha cilimushingulukite.

Kulumbaisha 74:1

Mwebo nobaLesa, nciinshi ncemwatufutatilila kwaciindi cilaamfu bobulya? Ino nciinshi ncemwakalalila bantu banu kwalyoonse alyoonse?

Isaya 24:18

Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.

Danyelo 7:10

Mulonga wa mulilo wakalinga kukunka, ee, kukunka kuswa muli ncico kuya kunembo lyakwe. Kwakalinga shuulu ashuulu sha baabo bakalinga kumusebensela. Kunembo lyakwe kwakalinga kwiimfwi bantu baanji cakutabelengeka. Nkuta yakatalika amabuku akacalulwa.

Bene Lefi 10:2

Paciindi ceenka ico, Mwaami Lesa wakatuma mulilo uyo wakabatenta kushikila bafwa peenka apo kunembo lyakwe.

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Shakubelenga 11:1

Mpeeke bantu bakatalika kutongooka kuMwaami Lesa pamakatasho abo. Ono Mwaami Lesa ndyaakabanyumfwa, wakakalala akutuma mulilo pabantu. Wakanyaka pakati kabo alimwi akunyonyoola lubasu lomwi lwa misumba.

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Ciyubululo 11:5

Na umwi weelesha kwaamba ayi abaciise, mumilomo yabo mulaswa mulilo uyo unyonyoola balwani babo. Nkokwaamba ayi uyo woonse weelesha kubacisa, ulacaikwa munshila njemunya iyi.