Kulumbaisha 18:13 - Baibo Busansulushi Bwa Libuku Ili

¹³ Lyalo Mwaami Lesa wakaluluma kuswa kwiculu, liswi lya Shinkusu uyo Wiindaawo lyakanyumfwika.

Kulumbaisha 18:13 Marejeleo ya Msalaba

Kulumbaisha 104:7

Maanshi ayo mwakaakalalila, aalo akacica. Akacica ndyaakanyumfwa liswi lyanu.

1 Samwelo 7:10

Samwelo kaacibenga mulambu, bene Filisiti bakasena kwaamba ayi balwane bene Isilaeli. Sombi mpomunyaawo Mwaami Lesa wakabalulumina kuswa kwiculu. Bakafulungana maano akutalika kucica mukulisukama.

Kulumbaisha 140:10

Makalangasha a mulilo aabalokele, ee, abawaalwe mumulilo, abakasowelwe mushilindi mobatakoonshi kuswa.

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

Ciyubululo 8:5

Lyalo munjelo wakabwesa cakubikamo tununkila kabotu cilya akubwesa makalangasha pacipaililo, wacisusha akuciwaala mucishi ca panshi. Mpomunyaawo kwakaba ciyobeyobe alimwi acilulumo, kubeka kwa mfula alimwi acitentanshi.

Ciyubululo 4:5

Mucuuna momunya umo mwakalinga kuboneka kubeka kwa mfula, kunyumfwika ciyobeyobe alimwi acilulumo. Kunembo lya cuuna kwakalinga kunyaka shimunimweenge shili shosanwe ashobilo. Isho njemishimu ili yosanwe ayobilo yakwe Lesa.

Joni 12:29

Bantu bakalinga kwiimfwi waawo bakanyumfwa liswi, lyalo bamwi bakaamba ayi, “Ncilulumo ca mfula,” sombi bamwi ayi, “Ngumunjelo wamwaamboosha.”

Abakuku 3:5

Kunembo lyakwe kwakalinga mwaalu, pesule lyakwe pakalinga bulwashi buyoosha.

Esekelo 10:5

Ono coongo ca mapapaminwa a bakelebu cakalinga kunyumfwika akulubansa lwa kunsengwe. Cakalinga kunyumfwika anga ndiswi lya Mwaami Lesa Shinkusu shoonse.

Kulumbaisha 78:48

Alimwi wakacaya ŋombe shabo amfuula ya mabwe, ashifubwa shabo shimwi kutulumba.

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Dutolonomi 32:24

Ndaakutuma nsala ashimpwita, balaakufwa kumalwashi ayoosha. Ndaakutuma banyama bamuluundu ayi babacaaye, alimwi ansooka shikali ayi shikabaluume.

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Kulonga 9:24

mfula ya mabwe inene abuumbi alimwi akubeka kwakakumanabo cishi coonse. Imfula iyo yakakomena abuumbi kwiinda mfula shoonse shakalinga kuloka mucishi ca Ijipiti.

Joshuwa 10:11

Ono bene Amoli abo ndibakalinga kuya ciloonda bene Isilaeli pakukunkuluka Kalundu ka Beti Oloni kuya kuAseka, Mwaami Lesa wakaloshesha mfula ya mabwe anene pali mbabo. Anu baanji bakafwa kumabwe aya kwiinda mbobakafwa kumipeeni ya bene Isilaeli.

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.