Kulumbaisha 17:3 - Baibo Busansulushi Bwa Libuku Ili

³ Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.

Kulumbaisha 17:3 Marejeleo ya Msalaba

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

1 Makani 29:17

Ndishi kwaamba ayi mulabonabona mumoyo wa muntu uli woonse alimwi mulakondwa bantu bacite myoyo yakushomeka. Shintu shoonse ishi ndashipa cakulyaaba alimwi amoyo womwi. Ono bulya ndasangalala kubona abalo bantu banu baliiwo pano mbobapa cakulyaaba.

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Jobo 24:14

Na lisuba lyepila mucayi ulanyamuka akuya mukucaya bakandu. Lyalo mumunshinshe wa mashiku ulaya mukwiipa.

Kulumbaisha 11:5

Mwaami Lesa ulalangalanga bantu boonse, nkokwaamba ayi baluleme abamucita shibi. Sombi ulipatite bamucita shibi boonse.

Kulumbaisha 119:106

Ndakashomesha cakulumbila akushinisha ayi ndanookonkela milawo yanu iluleme.

Kulumbaisha 139:1

NoBaami baLesa mwakanangananga aboobo mulinshi.

Kulumbaisha 139:23

NobaLesa, amunangenange kwaamba ayi mwishibe moyo wangu. Amunsuunke kwaamba ayi mwishibe miyeeyo yangu.

Kulumbaisha 16:7

Ndanoolumbaisha Mwaami Lesa ceebo ulamfunda, awalo moyo wangu ulanjibalusha mashiku.

Kulumbaisha 26:2

NoBaami baLesa, amunjeleshe akumbona kabotu, mulangelange kabotu mumoyo wangu amiyeeyo yangu.

Kulumbaisha 39:1

Ndakaamba ayi, “Ndanoolilama akukasha mulomo wangu kubisha. Ndaakucala mulomo wangu ciindi coonse, kulilabo bamucita shibi kabacili anebo.”

Kulumbaisha 66:10

NobaLesa mwakatusunka. Mwakatubotesha bweenka silifa mbooboteshekwa mumulilo.

Tushimpi 13:3

Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.

Jelemiya 12:3

Sombi noBaami baLesa nebo mulinshi, mulambona alimwi akweelesha miyeeyo yangu pali ndimwe. Basankwa abo babiibi, amubakwelaanye anga nimbelele itooya mukucaikwa! Mubabiike lubasu kushikila bushiku mbweshi bakacaikwe!

Jelemiya 50:20

Ciindi ico caakushikila, milandu ilaakuyandoolwa kubene Isilaeli, sombi teshi ikacanikeewo. Shibiibi shilaakuyandoolwa kubene Juda, sombi taaku nabi comwi ceshi cikacanikeewo ceebo ndaakulekelela baabo mbweshi nkashiyeewo kutabacaya. Nebo neMwaami Lesa ndaamba.”

Osiya 7:6

Myoyo ya bantu abo yakalinga kulungulabo anga ngumulilo wa mucitofu. Mashiku oonse bukali bwabo bwakalinga kufutilabo anga ngumulilo utoomota. Lyalo kumuyamaca bwakatukuka akunyaka anga ngumulilo.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Malaki 3:2

Ono ngani eshi akakonshe kwiimikana mubukali bwakwe pabushiku bwakwisa kwakwe? Ino ngani eshi akakonshe kuba muumi aakuboneka? Mukwiinga ulaakuba anga ngusoopo utubya abuumbi nabi anga ngumulilo usungulula sheela.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 16:9

Mashiku Paulo wakabona muntu anga muciloto kaaimfwi akumukombelela ayi, “Kosa kuMakedoniya utucaafwe.”

1 Bene Kolinto 4:4

Mumiyeeyo yangu taaku ncentooyeeya ayi ndakabisha. Nakubi boobo ici tacaambi ayi nshicite mulandu. Mwaami Lesa ngooŋombolosha.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Jemusi 3:2

Ceebo swebo soonse tulabisha mushintu shiinji. Na muntu taalubishi mukwaamba ingayi uliluleme cakumaninina alimwi ulakonsha kulicata mushintu shimwi shoonse.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

1 Samwelo 24:10

Sunu mwebo nobeene mwaboona ameenso anu kwaamba ayi Mwaami Lesa waalinga wamwaaba mumaansaangu mucimfwengo mulya. Bamwi balinga bandwiita ayi mucaaye, sombi ndamulekelela mukwiinga ndeebaluka kwaamba ayi mwakacita kusalwa aMwaami Lesa ayi mube baami.

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.

1 Samwelo 26:11

Nebo nshikwe, Mwaami Lesa atansuminishi kucaya mwaami ngwaakasala kwiinda mukunanikwa mafuta. Bwesabo lisumo akankuli kakwe ka maanshi pafwaafwi amutwi wakwe, mpeeke tunooya.”

1 Samwelo 26:23

Mwaami Lesa ulalambula muntu kweelana abululami bwakwe alimwi akushomeka kwakwe. Mwaami Lesa walinga wamwaaba mumaansaangu ayi mucaaye. Ono ndaloonda kucisa mwaami uyo Mwaami Lesa ngwaakasala kwiinda mukunanikwa mafuta.