Kulumbaisha 16:7 - Baibo Busansulushi Bwa Libuku Ili

⁷ Ndanoolumbaisha Mwaami Lesa ceebo ulamfunda, awalo moyo wangu ulanjibalusha mashiku.

Kulumbaisha 16:7 Marejeleo ya Msalaba

Kulumbaisha 119:148

Mashiku woonse ndaba acilabila kwaamba ayi nooyeeya pakushomesha kwanu.

Kulumbaisha 119:55

Mashiku ndamwiibaluka noBaami baLesa, alimwi ndakonkela milawo yanu.

Kulumbaisha 119:7

Ndaakumulumbaisha amoyo ululeme na nkeeye milawo yanu iluleme.

Kulumbaisha 17:3

Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.

Kulumbaisha 22:2

NobaLesa bangu, ndamulilila malumwi, sombi mwebo tamunkumbuli. Ndamulilila mashiku nshicani kookesha.

Kulumbaisha 42:8

Sombi Mwaami Lesa ulatolelela kutondesha lusuno lwakwe lutamaani bushiku abushiku. Nceceeco anebo lyoonse ncemwiimbila nyimbo, kupaila Lesa uyo umpa buumi buno mbooncite.

Kulumbaisha 63:6

Ndingona mubulo bwangu mulesa mumiyeeyo yangu, ndamuyeeya muciindi ca mashiku.

Kulumbaisha 73:21

Ndindakapenga amiyeeyo, moyo wangu ndiwakaciswa abuumbi,

Kulumbaisha 73:24

Mulantanjilila amilasho yanu nobeene, kumamanino mulaakunjisha mubulemu bwanu.

Kulumbaisha 77:2

Ndindakalinga mumapensho ndakapaila kuMwaami Lesa. Ciindi ca mashiku ndakatambika maansaangu pakupaila, sombi nshina kucana kukalikwa moyo.

Kulumbaisha 77:6

Ndakatola ciindi kuyeeya mashiku. Ndakayeeya akuliipusha ayi,

Tushimpi 8:14

Ndapa maano bantu akupansaanya bubi abubotu. Ndicite maano akunyumfwisha shintu alimwi ndi muyumu.

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Jelemiya 12:2

Mwakabashanga abalo bakamena, balakomena akucata shisepo. Ciindi coonse balaamba shibotu pali ndimwe, sombi myoyo yabo ili kulaale amwebo.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.