Kulumbaisha 16:5 - Baibo Busansulushi Bwa Libuku Ili

⁵ NoBaami baLesa ndimwe mwakampa cipansha cangu ca cishi, ncakwiila ndimwe mwakampa ankomeshi ya shoolwe shangu shoonse. Nshiku shangu shitoosa shili mumaansaanu.

Kulumbaisha 16:5 Marejeleo ya Msalaba

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Kulumbaisha 116:13

Ndaakupa cipo ca waini kuMwaami Lesa, kumulumba mukwiinga wakampulusha.

Kulumbaisha 119:57

NoBaami baLesa ndimwe mumpa shiyandika shoonse mubuumi bwangu. Ndashomesha ayi ndaakunookonkela maswi anu.

Kulumbaisha 125:3

Bamucita shibi teshi bakatolelele kweendelesha mucishi ca baluleme. Ceebo na batolelela, baluleme abalo inga batalika kucita bubi ubo.

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Kulumbaisha 142:5

NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 23:5

Mwebo mulamambila shakulya balwani bangu kabambwene. Mulantambula akumpa bulemu bwa muntu wakatambwa kukusekelela, alimwi akususha nkomeshi yangu cakusempooka.

Kulumbaisha 73:26

Mubili abuumi bwangu shilaakumana. Sombi Lesa nshenkusu shangu, ngoompa shiyandika shoonse mubuumi bwangu.

Kulumbaisha 89:4

‘Bwaami bulaakwikalilila pabamulunyungu lwako. Ndaakulengesha ayi buleelo bwako bukabule kumana mumashalane oonse acisa.’ ”

Kulumbaisha 9:4

Ceebo moombolosha makani angu bweelete, mwekala pacuuna canu akoombolosha cabululami.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 53:12

Paceebo ceeco ndaakumupa musena wabulemu, ee, kumupa musena pakati ka yeeyo ya basankwa bacite mpuwo mukwiinga waaba buumi kushikila akulufu, mukwiinga alakwe wabelengelwa pantu pomwi abamucita shibi alimwi mukwiinga wakabwesa shibiibi sha bantu baanji akubeemikanina ayi balekelelwe.”

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Malilo 3:24

Aboobo ndalyaamboosha ayi, “Mwaami Lesa mbobuboni bwangu. Paceebo ceeco ndaakunoolangila kuli nguwe.”

Milimo ya Batumwi 2:32

Lesa wakabusha Jesu uyu kuswa kubafu, aboobo swebo soonse tuli bakamboni ba shintu ishi.

Milimo ya Batumwi 5:31

Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.

1 Bene Kolinto 15:25

Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

Dutolonomi 18:2

Teshi bakapekweewo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Joshuwa 22:25

Amubone Mwaami Lesa wakabika Mulonga wa Joodani ayi ibe nyinsa pakati kesu amwebo nobamumukowa wakwe Lubeni alimwi anobakwe Gadi. Nkokwaamba ayi tamucite lubasu kuMwaami Lesa, sobwe.’ Munshila iyo bamulunyungu lwanu inga balengesha beesu kucileka kulambila Mwaami Lesa.

Joshuwa 22:27

sombi ayi cibe kamboni pakati kesu amwebo alimwi abaabo beshi bakabeeko kunembo, kwaamba ayi tulaakunoolambila Mwaami Lesa kumusena wakwe usalalite akuleta nkuko milambu yakutenta, milambu imwi alimwi aya bwanabwankashi. Lyalo kunembo bamulunyungu lwanu teshi bakanokwaambila beesu ayi, ‘Tamubeteko lubasu kuMwaami Lesa.’