Kulumbaisha 16:4 - Baibo Busansulushi Bwa Libuku Ili

⁴ Ono abo baya bulambila balesa bamwi, balalifushishabo mapensho beene. Nebo nshikoonshi kubengaabo mulambu wa bulowa, alimwi nshikoonshi kulambila balesa babo.

Kulumbaisha 16:4 Marejeleo ya Msalaba

Matalikilo 35:14

Palya peenka Lesa mpaakaamba kuli nguwe, Jakobo wakabikaawo libwe lyakwiibalukilaawo akulisalasha kwiinda mukupuumwitaawo waini alimwi amafuta a olifi.

Kulumbaisha 32:10

Bantu babiibi balyeelete kupenga, sombi abo bacinkite manungo muMwaami Lesa balaakunoofunwa ceebo ca lusuno lwakwe lutamaani.

Kulumbaisha 97:7

Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Isaya 57:6

Mulabwesa mabwe ateshimite kabotu kuswa mutulonga akwaalambila ayi mbalesa banu. Mulatila awaini apo ayi ncipo kuli mbabo akubaletela cipo ca shili anga ngamaila. Ono sa mutooyeeya ayi nebo ndikondetwe pashintu shoonse ishi?

Isaya 65:11

“Sombi mwebo nomufutatila ndime neMwaami Lesa akusuula kalundu kangu kasalalite, ee, mwebo nomulambila Gadi aMeni balesa baleta coolwe amalwesa,

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Bene Lefi 23:13

Mulaakupeta pantu pomwi amakilogilamu obilo a fulaulo usenkene amafuta a olifi ayi ncipo ca cakulya. Bweema bwa cipo ici bulasangalasha Mwaami Lesa. Mulaakubikaawo alita yomwi ya waini ayi ncipo ca cakunwa.

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.