Kulumbaisha 16:3 - Baibo Busansulushi Bwa Libuku Ili

³ Bantu bakwe Lesa bali pacishi ca panshi, ncakwiila balalemekwa, alimwi ndasangalala pali mbabo.

Kulumbaisha 16:3 Marejeleo ya Msalaba

2 Makani 6:41

“NoBaami baLesa, ono amunyamuke mwise kuŊanda yanu akwikalaamo kwalyoonse alyoonse pantu pomwi aLibokoshi lyanu lya Cipangano citondesho ca nkusu shanu. NoBaami baLesa, bapailishi banu ababe ankusu shakutanjilila bantu kulupulusho ayi bantu banu basangalale mububotu bwanu.

Kulumbaisha 101:6

Sombi ndaakusuminisha bantu bashomeka mucishi, alimwi ndaakumusuminisha kwikala anebo. Uyo weenda cakubula kampenda ngweshi akansebensele.

Kulumbaisha 116:15

Lufu lwa bantu ba Mwaami Lesa, ncakwiila lulamucisa abuumbi mwiine.

Kulumbaisha 119:63

Boonse abo bamusebensela mbeensuma, ee, abo boonse bakonkela milasho yanu.

Kulumbaisha 122:8

Ceebo ca bamakwesu abeensuma ndaamba ayi, “Luumuno lwikale mukati kako.”

Kulumbaisha 30:4

Amwiimbe nyimbo shakulumba Mwaami Lesa mwebo noonse nobantu bakwe, mulumbaishe liina lyakwe lisalalite.

Tushimpi 12:26

Muntu ululeme ulatondesha babye nshila ibotu, sombi mucita shibi ulabalubya.

Tushimpi 13:20

Muntu weenda abasongo alakwe ulaba musongo, sombi shimweenda aumineme alakwe ulaminama.

Tushimpi 8:31

Ndakalinga kukondetwe acishi cakwe coonse, alimwi ndakalinga kusangalete ceebo ca bantu.

Lwiimbo lwakwe Solomoni 7:10

Nebo ndiwa usunikwi wangu. Ulinsuni ca moyo woonse.

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Milimo ya Batumwi 9:13

Ndyaakanyumfwa, Ananiyasi wakakumbula ayi, “Nkambo, bantu baanji bakandwiita makani amuntu uyu alimwi ashintu shibiibi nshaakacita kubantu banu ba muJelusalemu.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

Bene Efeso 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ntoolembela bantu bakwe Lesa bali kuEfeso abo bashomeka muli Klistu.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.