Kulumbaisha 15:5 - Baibo Busansulushi Bwa Libuku Ili

⁵ Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Kulumbaisha 15:5 Marejeleo ya Msalaba

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Kulumbaisha 112:6

Ndushinisho teshi akatenkaanishikwewo, sobwe. Muntu ululeme ulaakunokwiibalukwa lyoonse alyoonse.

Kulumbaisha 16:8

Lyoonse ndatanjisha Mwaami Lesa wangu. Aboobo teshi nkapenge ceebo uli pafwaafwi anebo.

Kulumbaisha 55:22

Amutule nshemulisukama mumaansa a Mwaami Lesa. Lakwe ulaakulama buumi bwanu kabotu. Taaku muntu ululeme ngweshi akaleeke ayi akomwe.

Kulonga 22:24

Aboobo ndaakukalala akumucaya noonse munkondo. Bamakaanu balaakuba bamukalubinje, abalo bana banu balaakuba banabanshiwa.

Kulonga 22:25

“Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.

Tushimpi 10:30

Baluleme teshi bakakushikweemo mucishi, sobwe, sombi bamucita shibi balaakukushikwaamo.

Tushimpi 12:3

Muntu taakoonshi kwiimikana cakushimpa mububi, sombi muntu ululeme ncakwiila uleemikana cakushimpa.

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.

Isaya 33:15

Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.

Esekelo 18:17

Ulalitalamusha kukucita shibiibi. Taakweleteshi maali ayi acaninewo mpindu, sobwe. Mwaana wa mushobo uyo ulalama milawo yangu cakushomeka akukonkela milasho yangu. Mwaana uyo teshi akafwite shibiibi sha baishi. Ndushinisho lakwe ulaakuba abuumi.

Esekelo 18:27

Na mucita shibi wasanduka kuswa kushibiibi shakwe shoonse isho nshaacita, watalika kucita shintu shakutanyengelela ashiluleme, muntu uyo ulaakupulusha buumi bwakwe.

Esekelo 18:8

Taakweleteshi maali ayi acaninewo mpindu, sobwe Ulalitalamusha kukucita shibiibi akoombolosha bweelete bantu batoopikishanya.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Mika 7:3

Boonse mbantu bacibwene kucita bubi. Alakwe muleli ulisuni kupekwa shipo, shikoombolosha ulisuni makulo, alakwe shinkusu ulaambabo nshaasuni cakutasenga. Bantu abo boonse balacatana pantu pomwi mukupinga kucita bubi.

Mateyo 26:15

akwiipusha ayi, “Ino inga mwampanshi na ndaaba Jesu kuli ndimwe?” Mpeeke bakabelenga maali asilifa ali makumi otatwe.

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 23:21

“Na mwashomesha cakulumbila Mwaami Lesa, Lesa wanu cintu cimwi, kuteelesha kucelwa kucita kweelana ambomwashomesha. Mukwiinga Mwaami Lesa ulaakunoolangila, aboobo na mwabula kucicita, mulaakupekwa mulandu.

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”