3 Ngumuntu uyo utacite mulaka ubisha meena a babye, ee, ngooyo utacitili beshikamukobonyina shibiibi, nabi kwaamba makani akubeca pali mbabo.
Tandaanya shikucelebula, lyalo kupikishanya kulaswa. Ncakwiila kwaambana amatushi shilamana.
Bweenka kuya kwiculu mbokubete kulaamfu, ee, bweenka bulongolete inshi, mbweeke ubo mbotutakoonshi kwishiba miyeeyo ya bamaami.
Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”
Tamweelete kuya cibekesha muntu nabi womwi, alimwi mutapi bukamboni bweenga bwalengesha buumi bwa shikamukobonyinaanu kunyonyoolwa. Nebo ndime Mwaami Lesa.
“Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.
Mbampele, mbeshikusuula Lesa, mbeshimucobwe, mbeshikulisumpula akulinyumfwa. Lyoonse balayeeyabo nshila shimwi shakucitilamo shibiibi alimwi tabalemeki bashali babo.
Muntu na wakubishisha, webo tooelete kumubishisha. Sombi amweeleshe kucita shibotu shisuminisha bantu boonse.
Na muntu ulisuni mubye inga taamubishishiiwo. Nkokwaamba ayi usuni mubye ulakonkela Milawo yoonse.
Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse.
Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.
Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.
Ta, amubone kasani aka! Ndakatimbula kulikonko lya cakufwala canu ca peculu sombi nshikwe kumucaya. Ono munyumfwishe akwishiba kwaamba ayi nshiciteewo mulandu wakucita cilubite nabi kumwaashukila. Taaku ncindakamulubishisha, sombi mutooya cimfwima ayi muncaaye.