Kulumbaisha 15:2 - Baibo Busansulushi Bwa Libuku Ili

² Ncakwiila ngooyo weenda cakubula kampenda, uyo ucita shintu shiluleme lyoonse akwaamba lushinisho luswa kumoyo wakwe.

Kulumbaisha 15:2 Marejeleo ya Msalaba

Kulumbaisha 24:4

Ngooyobo ucita shisalalite, utacite cibiibi mumoyo. Ngooyo utalambili shibumbwabumbwa, nabi kubeca pakushomesha cakulumbila.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Tushimpi 20:7

Muntu ululeme taacite kampenda mubuumi bwakwe, balicite coolwe bana bakwe bakonkela bwikaalo bwakwe.

Tushimpi 28:18

Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.

Isaya 33:15

Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Mika 2:7

Sa utooyeeya ayi bamulunyungu lwakwe Jakobo balishingenwe? Sa Mushimu wa Mwaami Lesa ulikalalite? Sa ncakwiila inga wacita cintu ca mushobo uyo? Sa taambi cankumbu kubaabo bacite nshila shiluleme?”

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Milimo ya Batumwi 10:35

sombi ulatambula muntu uli woonse uyo umulambila akucita shiluleme, cakutalisukama amushobo wa muntu uyo.

Bene Loma 2:10

Sombi ulaakulumbaisha akulemeka alimwi akupa luumuno abo bacita shiluleme, kutaanguna baJuda, pesule baswamashi bakunsengwe.

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Kolose 3:9

Mutanoobecana mukwiinga mwashiya buumi bwanu bwakale kale amicito ya mbubo

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

1 Joni 2:29

Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.

1 Joni 3:7

Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”