Kulumbaisha 149:3 - Baibo Busansulushi Bwa Libuku Ili

³ Abalumbaishe liina lyakwe uku kabashana, amulishe misebe atulumbu.

Kulumbaisha 149:3 Marejeleo ya Msalaba

2 Samwelo 6:14

Mpeeke Defedi wakashana ankusu shakwe shoonse mukupa bulemu Mwaami Lesa, kaafwetebo nsalu iteshimite mubukome.

2 Samwelo 6:16

Ono Libokoshi lya Cipangano ca Mwaami Lesa ndilyakalinga kwinjishikwa muNdabala yakwe Defedi, Mikali mwanaakwe Saulo wakalinga kweebela pambwelyo. Lyalo ndyaakabona mwaami Defedi kaashana akusotooka mukulemeka Mwaami Lesa, wakamucima abuumbi mumoyo.

1 Makani 16:42

Emani alimwi aJedutuni bakalinga bamatanjilili ba beshikulisha mapeenga, tusenke alimwi ashimwi shakalinga kulishikwa pakwiimba nyimbo shakulumbaisha. Bamucipani cakwe Jedutuni bakalinga kulindilila minjililo.

1 Makani 25:6

Bana bakwe boonse bakalinga kutanjililwa abamashali babo basankwa mukulisha tusenke atulumbu tunene atuniini pakulambila muŊanda yakwe Lesa. Asafu, Jedutuni alimwi aEmani balo bakalinga kutanjililwa amwaami Defedi.

2 Makani 20:28

Ndibakashika mundabala ya Jelusalemu bakeendililabo kuŊanda yakwe Lesa kabaya cilisha tulumbu tunene atuniini alimwi amapeenga.

2 Makani 29:25

Mwaami wakakonkela milasho iyo Mwaami Lesa njaakapa mwaami Defedi kwiinda muli Gadi mulaluki wakwe amumulaluki umwi Natani. Wakeemika bene Lefi muŊanda yakwe Lesa kabacite tusenke twakulisha atulumbu tunene atuniini.

Esila 3:10

Ono ndibakatalika kuyaka lwiimbi lwa Ŋanda ya Mwaami Lesa, bapailishi mumingaanjo yabo bakeemikana amapeenga, bene Lefi, nkokwaamba ayi bana bakwe Asafu, bakeemikana atusenke tupampamene twakulisha akulumbaisha Mwaami Lesa mbuli bwakaamba Defedi mwaami wa bene Isilaeli mukulukulu.

Kulumbaisha 30:11

Mwakapilula kulila kwangu ayi kube kushana. Ncakwiila mwakankusha buumba akundetela kusangalala.

Kulumbaisha 33:2

Amulumbaishe Mwaami Lesa mukulisha kalumbu, kwiimba nyimbo akalumbu ka mawaya likumi!

Kulumbaisha 81:2

Amutalike lwiimbo akulisha misebe, amulishe tulumbu tuniini atunene.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Kulumbaisha 87:7

Pakushana balaakunokwiimba ayi, “Shoolwe shesu shoonse shilaswa muSiyoni.”

Kulonga 15:20

Mpomunyaawo Milyamu mulaluki mwanakashi, nankashi yakwe Aloni wakabwesa musebe, mpeeke banakashi boonse bakatalika kulisha akushana.

Jelemiya 31:13

Bamyooye balaakushana akusangalala. Basankwa bacikula bwangu alimwi abamanene abalo balaakusangalala. Kulila kwabo ndaakukusandula kukabe kusangalala. Ndaakuboombulusha akubasangalasha mumusena wakubapa buumba.

Jelemiya 31:4

Ndaakumuyaka alimwi, ncakwiila mulaakuyakwa nobene Isilaeli. Mulaakubwesa misebe yanu alimwi akuya mukushana cakusangalala.

Boomboloshi 11:34

Jefuta ndyaakaboolela kumishaabo kuMisipa, mwanaakwe mwanakashi wakaswa muŋanda akumucinsha kunshila keesa bushana akulisha musebe. Uyo wakalinga ngomwaana eenka ngobakalinga kucitebo.