Kulumbaisha 148:8 - Baibo Busansulushi Bwa Libuku Ili

⁸ Amumulumbaishe mwebo nokubeka kwa mfula, nomfula ya mabwe, nocaandwa, nomakumbi alimwi anomyuuwo iyoosha inyumfwila milawo yakwe.

Kulumbaisha 148:8 Marejeleo ya Msalaba

Matalikilo 19:24

Mpomunyaawo Lesa wakalosha mulilo wa salufa paSodoma aGomola

Jobo 37:12

Lesa uleensha makumbi mbuli mbwaasuni. Ee, alaya bweenda mucishi ca panshi coonse kwaamba ayi acite shoonse nshaambilwa.

Kulumbaisha 103:20

Amulumbaishe Mwaami Lesa nobaanjelo bakwe beshinkusu, mwebo nomukonkela milawo yakwe akunyumfwila maswi ngaamwaambila.

Kulumbaisha 18:12

Mucitubilishi ca bulemu bwakwe mwakalinga kuswa makumbi, imfula ya mabwe, alimwi akubeka kwa mfula.

Kulonga 10:13

Aboobo Mose wakatandabika nkoli yakwe pacishi ca Ijipiti. Mpeeke Mwaami Lesa wakalengesha kwaamba ayi muuwo wakwicwe utalike kupuupila cishi ico malumwi alimwi amashiku oonse. Ndibwakaca, muuwo uyo wakaleta nsoshi.

Kulonga 10:19

Alakwe Lesa wakaalula muuwo wakwicwe kuba muuwo wakumbo uyo wakapupa cankusu akutola nsoshi shoonse muLweenge Lusalala. Anu taaku nsoshi nabi yomwi yakacaala mucishi ca Ijipiti.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Isaya 66:16

Mwaami Lesa ulaakoombolosha bantu boonse amulilo alimwi amupeeni. Ncakwiila Mwaami Lesa baanji ulaakubacaya.

Jowelo 2:30

Ndaakucita shaankamiko kwiculu apacishi ca panshi. Kulaakuba bulowa, mulilo alimwi ashikunku wa bwiishi.

Bene Lefi 10:2

Paciindi ceenka ico, Mwaami Lesa wakatuma mulilo uyo wakabatenta kushikila bafwa peenka apo kunembo lyakwe.

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Amosi 7:4

Mbulya Mwaami Lesa Shinkusu shoonse mbwaakambonesha mucili anga nciloto. Muciloto ico ndakamubona kaayeeya kupensha bantu bakwe amulilo. Mulilo uyo wakayumya lweenge lunene panshi lya nshi alimwi akutalika kutenta cishi coonse.

Jona 1:4

Mpeeke Mwaami Lesa wakatuma cipuupu cinene palweenge. Lyalo kwakaba maaba ayoosha cakwaamba ayi bwaato bwakalinga kusuni kupasuka.

Jona 1:5

Beshikweensha bwaato bakaloonda abuumbi akutalika kusenga lucafwo womwi awomwi kuswa kuli lesa wakwe. Ono kwaamba ayi boobye bwaato ubo, bakawaala shintu mulweenge. Sombi Jona wakalinga mucipinda cimwi ca panshi, kaali mutulo.

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Joshuwa 10:11

Ono bene Amoli abo ndibakalinga kuya ciloonda bene Isilaeli pakukunkuluka Kalundu ka Beti Oloni kuya kuAseka, Mwaami Lesa wakaloshesha mfula ya mabwe anene pali mbabo. Anu baanji bakafwa kumabwe aya kwiinda mbobakafwa kumipeeni ya bene Isilaeli.

Ciyubululo 16:21

Mabwe a mfula anene anene akalokela bantu. Lyomwi lyakalinga kulema mpashi makilogilamu ali 50. Mpeeke bantu bakacobola Lesa ceebo ca mwaalu wa mabwe a mfula uyo mukwiinga cakeendaawo kubica.