Kulumbaisha 148:4 - Baibo Busansulushi Bwa Libuku Ili

⁴ Amumulumbaishe noliculu lya maculu, amwebo nomaanshi ali kwiculu.

Kulumbaisha 148:4 Marejeleo ya Msalaba

Matalikilo 1:6

Ono Lesa wakaamba ayi, “Akube musena ufongomene kwiculu kwaamba ayi upansaanye maanshi.”

Matalikilo 1:7

Aboobo Lesa wakalenga musena ufongomene uyo akupansaanya maanshi ayo apanshi lya nguwo alimwi aayo ali peculu lya nguwo. Mpeeke kwakaba bweenka ubo.

Matalikilo 7:11

Nowa ndyaakaba amyaaka ili 600, pabushiku bwa likumi anshiiku shosanwe ashobilo, mumweenshi wabili, toonse tuntupu twa mashiba anene ali panshi lya nshi twakacaluka. Ashalo shilyango sha miyoba shakacaluka kwiculu.

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

2 Makani 2:5

Ŋanda yakwe Lesa iyo njeshi nkayake ilaakuba yabulemu mukwiinga Lesa wesu ulicite bulemu kwiinda balesa bamwi boonse.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Kulumbaisha 104:3

Mwakayaka ŋanda yanu peculu lya maanshi a kwiculu. Mulasebensesha makumbi anga shikoci shanu sha nkondo. Muleendela pamapapaminwa a muuwo.

Kulumbaisha 113:6

Lakwe ngookotama akulanga panshi ayi abone maculu acishi ca panshi.

Kulumbaisha 68:33

Amumwiimbile uyo weendela muliculu likulukulu. Ngowooyo ululuma aliswi lyankusu.

Kulumbaisha 69:35

Lesa ulaakupulusha Siyoni, akuyakulula mandabala a muJuda. Cishi ico cilaakuba ca bantu bakwe ceebo mbweshi bakekaaleemo.

2 Bene Kolinto 12:2

Ndishi musankwa umwi ushoma muli Klistu wabwesekwa akutolwa kwiculu kwiine. Pakeenda myaaka likumi ayone ici ndicakacitika. Nshishi na cakacitika cancinencine, na wakalinga kubonabo anga muciloto, Lesa eenkabo ngooshi.

Dutolonomi 10:14

Liculu lili peculu pawoonse alyalo ndya Mwaami Lesa, cishi ca panshi acalo ncaakwe pantu pomwi ashintu shoonse shiliimo.