Kulumbaisha 147:2 - Baibo Busansulushi Bwa Libuku Ili

² Mwaami Lesa utooboosha Jelusalemu mbwaakalinga. Utooyobolola bene Isilaeli bakalinga mushishi shabusha.

Kulumbaisha 147:2 Marejeleo ya Msalaba

Neyemiya 6:15

Lyalo lubumbu lwakamanishikwa pabushiku bwamakumi obilo anshiiku shosanwe mumweenshi wa Eluli. Nkokwaamba ayi mulimo uyo wakatola nshiku makumi osanwe anshiiku shobilo.

Neyemiya 6:16

Balwani besu boonse abamumishobo itushingulukite ndibakanyumfwa cikani ici, bakatyongola abuumbi ceebo bakeshiba kwaamba ayi mulimo uyo wakacitwa kwiinda mukucafwikwa aLesa.

Neyemiya 7:4

Jelusalemu yakalinga ndabala inene, sombi mwakalinga kwikalabo bantu baniini. Aalo maanda kaatana kuyakululwa.

Kulumbaisha 102:17

Ulaakunyumfwa kusenga kwa bantu bakwe abo mbwaakafutatila, alimwi ulaakukutika mipailo yabo.

Kulumbaisha 51:18

NobaLesa, amucite shibotu kuli Siyoni ceebo ca nkumbu shanu. Amuyake cipya lubumbu lwa Jelusalemu.

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Isaya 56:8

Mwaami Lesa Shinkusu shoonse ee, uyo wakayobolola bene Isilaeli bakalinga mubusha waamba ayi, “Ndaakuyobolola abamwi peculu lya baabo bakesa kale.”

Isaya 62:7

Ee, amutolelele kushikila akalengeshe ndabala ya Jelusalemu kuba mboyakalinga akwiilengesha ayi ibe ndabala inene iyo bantu boonse njeshi bakanoolumbaisha.

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 31:4

Ndaakumuyaka alimwi, ncakwiila mulaakuyakwa nobene Isilaeli. Mulaakubwesa misebe yanu alimwi akuya mukushana cakusangalala.

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Esekelo 38:8

Paakwiinda nshiku shiinji mulaakwiitwa kuya kunkondo. Mumyaaka itoosa mulaakuya mukulwana cishi ca bantu batokookesha kuswa kunkondo. Ico ncishi ca bantu bakabunganishikwa kuswa pakati ka mishobo iinji kuya kutulundu twa Isilaeli uto twatalinga kucite bantu kwaciindi cilaamfu. Bantu aba bakakushikwa pakati ka mishobo imwi, bulya boonse balishiite kwakubula cakulisukama.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Mika 4:6

Mwaami Lesa wakaamba ayi, “Pabushiku bweenka ubo, ndaakubunganya balema. Ndaakubunganya bali mubusha ee, bantu abo mbondakalengesha kuba mubuumba.

Sekaliya 8:7

Mwaami Lesa Shinkusu shoonse waamba ayi, “Ndaakupulusha bantu bangu kuswa kushishi sha kwicwe asha kumbo.

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Dutolonomi 30:3

lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.