Kulumbaisha 147:10 - Baibo Busansulushi Bwa Libuku Ili

¹⁰ Lakwe taasangalalili munkusu sha liaki. Taasangalalili mubashilumamba beshinkusu.

Kulumbaisha 147:10 Marejeleo ya Msalaba

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Tushimpi 21:31

Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

2 Samwelo 1:23

“Saulo aJonasani balinga bantu bakondelesha alimwi basunikwi, mubuumi bobilo akubulongo bobilo, basankwa bacabeene anga ngumumbankwashi, bacite nkusu shiinda nkusu sha nkalamu.

Jobo 39:11

Sa inga wacinka manungo munkusu shiinji sha njiyo akwiilangila kwaamba ayi itoocita milimo yako iyumu?