Kulumbaisha 146:8 - Baibo Busansulushi Bwa Libuku Ili

⁸ Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.

Kulumbaisha 146:8 Marejeleo ya Msalaba

Kulumbaisha 11:7

Ee, Mwaami Lesa uliluleme, ulisuni micito iluleme. Ncakwiila baluleme balaakumubona.

Kulumbaisha 145:14

Mwaami Lesa ngoobusha boonse abo bawa, ngoocatilila boonse abo balefuka.

Kulumbaisha 147:6

Mwaami Lesa ngoosumpula baliceesha, sombi ulalyatoola bamucita shibi.

Isaya 35:5

Lyalo boofu balaakubona abalo bashinkite matwi balaakunyumfwa.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 42:18

Mwaami Lesa waamba ayi, “Amukutike mwebo nomushinkite matwi. Amulangilishe mwebo noboofu mubone.

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Mateyo 9:30

Mpomunyaawo bakatalika kubona. Lyalo Jesu wakabakonkomesha ayi, “Muteshibishi muntu nabi womwi cikani ici.”

Joni 16:27

ceebo baTa beene balimusuni. Balimusuni ceebo mulinsuni alimwi mwakashoma ayi ndakaswa kuli Lesa.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Dutolonomi 33:3

Mwaami Lesa ulisuni bantu bakwe akunoobalama mukwiinga mbaakwe. Paceebo ceeci soonse tulafukama muliimfwa lyakwe akutambula milasho yakwe,

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.