Kulumbaisha 146:7 - Baibo Busansulushi Bwa Libuku Ili

⁷ Ncakwiila ngooimikanina baabo balyatililwa, alimwi ngowooyo upa shakulya kubeshinsala. Mwaami Lesa ulaangulula bantu bali muntolongo ya bubi.

Kulumbaisha 146:7 Marejeleo ya Msalaba

Kulumbaisha 10:18

Ncakwiila muleemikanina bana banshiwa abaabo balyatililwa, kwaamba ayi muntubo uli mbuli bamwi boonse, acileeke kulengesha babye boowa.

Kulumbaisha 103:6

Mwaami Lesa uloombolosha cabululami. Ncakwiila balyatililwa ulabacitila sheelete.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 136:25

Ngoopa cakulya kushilengwa shiyoya shoonse, ee, mukwiinga lusuno lwakwe ndwamuyayaya.

Kulumbaisha 142:7

Amunkushe muntolongo ya mapensho kwaamba ayi numbaishe liina lyanu. Balulami balaakunshinguluka, ceebo mwancitila shibotu.

Kulumbaisha 35:10

Ndaakwaamba camoyo woonse ayi, “NoBaami baLesa, anu ngani uli anga ndimwe? Ee, mwebo nomupulusha ulefukite kubaabo mbaatakoonshi kukoma. Ncakwiila mwebo mulapulusha bapenshi kubaabo babalyatilila.”

Kulumbaisha 68:6

Abo batacite bamuŋanda, Lesa ulabapa musena wakwikalaamo. Ulatanjilila bakaili kuya mulwaanguluko lwakusangalala. Sombi abo baashu balekala muluyanga.

Kulumbaisha 68:7

NobaLesa ndimwakatanjilila bantu banu ndimwakeenda muluyanga,

Kulumbaisha 72:4

Mwaami wanu aakoomboloshe bakandu cakutanyengelela. Aakacafwe bataaku mbobabete, akupwayoola baabo babalyatilila.

Kulumbaisha 9:16

Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Isaya 9:4

Ncakwiila mwebo mwatyoloola lijoko ilyo lyalinga kubalemena. Mwatyoloola ankooli yalinga kubooma pashifushi. Ee, mushobo wa bantu walinga kulyatilila bantu banu mookoma, bweenka mbomwakakoma bene Midyani kale kale.

Jelemiya 31:14

Bapailishi ndaakubapa shakulya shiinji shibotu akupa bantu bangu shoonse shiyandika mubuumi bwabo. Nebo neMwaami Lesa ndaamba.”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Luka 1:53

Wapa bafwite nsala shintu shiinji shibotu, akuboosha babile maansabo.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Luka 9:17

Bantu boonse bakalya akukuta. Mpomunyaawo bashikwiiya bakabwesa shoonse shakashiyaako bantu akususha tutundu likumi atobilo.

Milimo ya Batumwi 16:26

Mpomunyaawo kwakaba citentanshi cinene ico cakatenkaanya alwiimbi lwa ntolongo. Mpeeke milyango yakacaluka ancetani shakaloka kuswa kubakaili.

Milimo ya Batumwi 5:19

Sombi mashiku, munjelo wa Mwaami Lesa wakesa mukucalula milyango ya muntolongo akubakusha. Wakabaambila ayi,