Kulumbaisha 142:2 - Baibo Busansulushi Bwa Libuku Ili

² Nanootola matongooshi angu kuli nguwe, ncakwiila lakwe ngoondwiita mapensho angu.

Kulumbaisha 142:2 Marejeleo ya Msalaba

Kulumbaisha 28:1

NoBaami baLesa, mwaandami wangu, ndimwe ndilila lucafwo, mutaciti anga tamunyumfwite liswi lyangu, ceebo na muumunebo, ntoofwa anga mbamwi boonse.

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Bene Loma 8:26

Awalo Mushimu Usalashi ulatucafwa mukwiinga tatucite nkusu. Tatwishi mbotweelete kupaila, sombi Mushimu Usalashi ulatusengelaako kuli Lesa mumaswi ataambiki.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.