Kulumbaisha 141:2 - Baibo Busansulushi Bwa Libuku Ili

² Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Kulumbaisha 141:2 Marejeleo ya Msalaba

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

Esila 9:4

Ndakekala apo kaaŋungumene kushikila ciindi cakubenga mulambu wa macolesha. Mpeeke bantu bakatalika kubungana mpondakalinga, nkokwaamba ayi boonse abo bakatutuma ndibakanyumfwa maswi akwe Lesa wa bene Isilaeli pashibiibi sha bantu abo bakataanguna kuswa mucishi ca busha.

Kulumbaisha 134:2

Amunyamune maansaanu mwiculu pakupaila muŊanda iyo isalalite akulumbaisha Mwaami Lesa.

Kulumbaisha 28:2

Amukutike kupaila kwangu ndyeemulila ayi muncaafwe, ee, ndyeentondeka maansa kuMusena wanu Usalalite Wiindaawo,

Kulumbaisha 5:3

Macuunsa mulanyumfwa liswi lyangu, pakuswa lisuba ndapaila kuli ndimwe akulindilila ayi munkumbule.

Kulumbaisha 63:4

Ndanoomulumbaisha lyoonse mubuumi bwangu. Ndanoonyamuna maansaangu akupaila kuli ndimwe.

Kulonga 29:39

Mwanaambelele umwi akanoobengwa macuunsa alakwe umwi macolesha.

Kulonga 35:15

cipaililo cakutentelawo tununkila kabotu alimwi ashisamu shakucinyamwishaako sha ncico, mafuta akunanika, tununkila kabotu pakutenta, cisani cakushitilisha kumwinjililo wa Tente,

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Danyelo 9:21

Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Milimo ya Batumwi 3:1

Bumwi bushiku Pita aJoni bakaya kuŊanda yakwe Lesa ciindi cakupaila ca 3 koloko malumwi.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.