Kulumbaisha 140:3 - Baibo Busansulushi Bwa Libuku Ili

³ Milaka yabo njibiibi mbuli buyoka bwa nsoka. Milomo yabo ilicite buyoka mbuli bwa fumbe.

Kulumbaisha 140:3 Marejeleo ya Msalaba

Matalikilo 3:13

Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 58:4

Balicite buyoka anga mbwa nsoka iine. Ee, anga mbwakwe fumbe uyo ushinkite matwi.

Kulumbaisha 59:7

Amunyumfwe shitooswa mumilomo yabo, Ncakwiila balaamba maswi ayasa anga njimipeeni. Beene balalibeca ayi, “Taaku weenga watunyumfwa.”

Tushimpi 12:18

Maswi abiibi alayasa kumoyo anga ngumupeeni, sombi maswi aamba musongo alashilika.

Tushimpi 23:32

Sombi pesule ulalumabo anga ninsoka, ee, ulicite busoka bukali anga mbwa mpili,

Tushimpi 6:14

Balayeeya bubi mubumpele bwabo nkokwaamba ayi balo mbeshikubalamuna makatasho ciindi coonse.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Jelemiya 9:3

Balabambabamba milaka yabo anga mbuta kwaamba ayi bakushe bubeshi. Teshi kwaamba lushinisho kubalengesha kukoma mucishi, sobwe. Mwaami Lesa waamba ayi, “Bantu bangu baleelika cibiibi pacibiibi Tabantambuliiwo ayi ndi Lesa wabo, sobwe.

Jelemiya 9:5

Womwi awomwi ngushikucenjeeka mubye, taaku awaamba shalushinisho. Bakeeisha milaka yabo kubeca, akumana nkusu shabo shoonse mukubisha.

Malilo 3:62

Mwakanyumfwa makani ngobatepeteshanya akuŋuŋuna pali ndime bushiku boonse.

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.