Kulumbaisha 14:4 - Baibo Busansulushi Bwa Libuku Ili

⁴ Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Kulumbaisha 14:4 Marejeleo ya Msalaba

Jobo 21:15

Anu Shinkusu shoonse ngani kwaamba ayi katumusebensela? Ino nimpindunshi ili mukupaila kuli nguwe?’

Jobo 27:10

Sa balaakusangalalila muli Shinkusu shoonse? Sa balaakunoolilila Lesa ciindi coonse?

Kulumbaisha 27:2

Bantu babiibi ndibamfuumukila ayi banyonyoole, balwani bangu, ee, abo bampatite ndibesa ayi bandwaane, balalisuntula akuwa kwiinda mukukomwa.

Kulumbaisha 79:6

Amukalalile mishobo iyo itamulambili, ee, malelo ayo atapaili kuli ndimwe.

Kulumbaisha 82:5

“Taaku ncemwishi alimwi tamucite lushibo. Muleenda mumunshinshe uyoosha uku lwiimbi lwa cishi ca panshi kalutenkaana.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Isaya 27:11

Misampi iyo na yayuma ilaponsoka. Lyalo banakashi balesa beebwesa yaya mukuba nkuni. Ceebo bantu aba tabanyumfwishishiiwo, aboobo Mulengi wabo taaciteewo coopa nkoye nabi nkumbu pali mbabo

Isaya 29:14

Paceebo ceeco bantu aba ndaakubakankamika alimwi. Balaakubona shaankamiko peculu lya shaankamiko. Ndaakumana busongo bwa basongo, alimwi ndaakulobya maano a bantu bacenjete.”

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 5:13

Aboobo bantu bangu balaakuya mucishi ca busha ceebo cakutanyumfwa kwabo. Bamatanjilili babo balaakumana kufwa kunsala abantubo boonse balaakumana kufwa kunyotwa.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Jelemiya 10:25

Amutile bukali bwanu pamishobo iyi itamulambili alimwi apabantu abo bakaka ndimwe. Ceebo bakanyonyoola bamulunyungu lwakwe Jakobo. Bantu abo bakabanyonweetabo limwi akunyonyoola cishi cabo.

Osiya 7:7

“Balacaya baleli babo mubukali bwabo. Bamaami balacaikwa womwi awomwi, sombi taaku nabi womwi usenga lucafwo kuli ndime.”

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Bene Galatiya 5:15

Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.