Kulumbaisha 14:3 - Baibo Busansulushi Bwa Libuku Ili

³ Sombi taaku nabi womwi ululeme, bantu boonse baba bamucita shibi. Taaku aucita shibotu, ncakwiila taaku nabibo womwi.

Kulumbaisha 14:3 Marejeleo ya Msalaba

Matalikilo 6:12

Lesa wakabona cishi ca panshi mbocakalinga canjila mucibiibi mukwiinga bantu boonse bakalinga kucitabo shibiibi.

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 15:16

ino mbuyani kumuntu ulensha nsoni alimwi shikubisha? Ndushinisho kumuntu kubisha kulibo anga nkunwa maanshi!

Kulumbaisha 119:176

Ndeengaila anga nimbelele isowekete. Amunyandoole nemusebenshi wanu, ceebo nshilubiiko milawo yanu.

Kulumbaisha 14:1

Baluya mumyoyo yabo balaamba ayi, “Taaku Lesa.” Bantu abo mbamucita shibi, micito yabo njibiibi. Ncakwiila taaku ucita shibotu nabi womwi.

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Kulumbaisha 38:5

Shiloonda shangu shitooya ciindaawo kutopota akununka, ceebobo ca buluya bwangu.

Kulumbaisha 58:3

Anu bamucita shibi balalubabo kabacimititwe. Mbeshikubishabo akubeca kuswa kukushalwa kwabo.

Kulonga 12:30

Pabushiku ubo mbomunya mashiku mwaami Falawo, bacinenenene bakwe alimwi abene Ijipiti boonse bakabushikwa. Mwakalinga kulila kunene abuumbi mucishi coonse ca Ijipiti mukwiinga tekwakalinga ŋanda nabi yomwi umo mwatakalinga mwaana musankwa ufwite.

Kulonga 8:31

Alakwe Mwaami Lesa wakacita kweelana abwakasenga Mose. Aboobo baloonshi bakaswaawo pamwaami, bacinenenene bakwe alimwi abantu ba mucishi cakwe. Taaku loonshi nabi womwi wakacaala.

Shikushimikila 7:20

Taaku muntu ululeme pacishi ca panshi uyo ucita shintu shiluleme, kutabishaawo napaceyi.

Shikushimikila 7:29

Ncendakacanabo nceeci: Lesa wakalenga muntu kaaluleme, sombi bantu beene balipilinganya ashintu shiinji.”

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Bene Loma 3:23

ceebo bantu boonse bakabisha akulela kubulemu bwakwe Lesa.

1 Bene Kolinto 6:5

Ndaamba boobo kwaamba ayi munyumfwe nsoni. Sa ncakwiila mutoondwiita ayi taaku nabi womwi musongo pakati kanu weenga woombolosha bashominyina?

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Dutolonomi 1:35

‘Taaku muntu nabi womwi pakati kanu nobamucita shibi ba cecino ciindi, eshi akenjile mucishi ca bulongo bubotu, ico ncendakashomesha bamashali banu bakulukulu.