Kulumbaisha 139:21 - Baibo Busansulushi Bwa Libuku Ili

²¹ NoBaami baLesa, ndibapatite abo bamupatite alimwi bantu bamubukila balamfundoosha kumoyo.

Kulumbaisha 139:21 Marejeleo ya Msalaba

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulumbaisha 119:158

Ndafundookwa kumoyo na ndalanga bantu batashomeki ceebo tabakonkeli maswi anu.

Kulumbaisha 15:4

Ngooyo unyansha muntu uyo Lesa ngwaakaka, sombi ulemeka baabo banyumfwila Mwaami Lesa. Muntu uyo ucita nshaakashomesha cakulumbila, nakubi kwaamba ayi lakwe mwiine cilamucisa.

Kulumbaisha 26:5

Bantu bacita shibiibi nshinyumfwani abo, ncakwiila nsheendi abamucita shibi.

Kulumbaisha 31:6

Mwebo mulipatite bantu babika myoyo yabo kubalesa bakubeca. Sombi nebo ndincinkite manungo muli ndimwe noBaami baLesa.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Luka 19:41

Lyalo Jesu ndyaakasena pafwaafwi akubona Jelusalemu, wakalila.

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.

Ciyubululo 2:6

Sombi bubotu bwako mbwakwaamba ayi ulipatite micito ya bene Nikolayi, bweenka mboonjipatite anebo.’