Kulumbaisha 137:3 - Baibo Busansulushi Bwa Libuku Ili

³ Bakatucata busha bakatwaambila ayi twiimbe. Bakatwaambila ayi tubeembile nyimbo mukubasangalasha. Bakaamba ayi, “Amutwiimbileko lwiimbo lwa kuSiyoni.”

Kulumbaisha 137:3 Marejeleo ya Msalaba

Luka 21:6

“Ishi shoonse nshemubwene, cilaakushika ciindi ndyeshi kukabule libwe nabi lyomwi palibwenyina. Mabwe oonse alaakumwayululwa.”

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Kulumbaisha 80:6

Mwakasuminisha batushingulukite kulwanina cishi cesu. Bulya balwani besu balatucelebula.

Kulumbaisha 79:1

NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.

Kulumbaisha 65:1

NobaLesa, cililuleme kumulumbaisha muSiyoni, akucita kweelana ambotwakashomesha kuli ndimwe.

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Neyemiya 4:2

Lyalo wakaamba pameenso ababye abashilumamba bene Samaliya ayi, “Ino baJuda aba balefukite batoocitanshi? Sa batooyeeya kuyakulula lubumbu lwabo? Sa balo batooyeeya ayi inga bamanisha mulimo pabushiku bomwi kwiinda mukubenga milambu? Sa inga bapanga mabwe akuyakishako kuswa pamabwe aya akapwayoolwa akutentwa?”

1 Makani 16:7

Ndyelyeelyo Defedi ndyaakapa Asafu abene Lefinyina lwiimbo ulu lwakulumba Mwaami Lesa.

Isaya 51:11

Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.

1 Makani 15:27

Defedi lyalo wakafwala mungaanjo wa nsalu iteshimite bweenka mbuli bene Lefi abo bakanyamuna Libokoshi lya Cipangano, beshikwiimba alimwi aKenaniya uyo wakalinga kutanjilila bwiimbi. Defedi wakafwala acakufwala ciitwa ayi Efodi ca nsalu iteshimite.

Tushimpi 25:20

Kwiimbila muntu uli mubuumba, kuli anga kufuula shakufwala bushiku bwa mpewo, nabi kubika mwiinyo pacilonda.