Kulumbaisha 136:12 - Baibo Busansulushi Bwa Libuku Ili

¹² Wakabakusha alyaansa lya nkusu alimwi litandabikitwe, ee, mukwiinga lusuno lwakwe ndwamuyayaya.

Kulumbaisha 136:12 Marejeleo ya Msalaba

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulonga 13:14

Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Jelemiya 32:21

Mwakaloondesha balwani besu kwiinda mukucita shitondesho sha nkusu sha kwiculu ashaankamiko. Munshila iyo mwakasebensesha nkusu shanu kukusha bene Isilaeli bantu banu muIjipiti.

Milimo ya Batumwi 7:36

Mose wakatanjilila bantu aba pakuswa muIjipiti. Wakacita shaankamiko alimwi ashitondesho sha nkusu sha kwiculu muIjipiti, paLweenge Lusalala alimwi amuluyanga myaaka ili makumi one.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.