Kulumbaisha 135:6 - Baibo Busansulushi Bwa Libuku Ili

⁶ Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.

Kulumbaisha 135:6 Marejeleo ya Msalaba

Jobo 42:2

“NoBaami baLesa, ndishi kwaamba ayi mwebo mulicite nkusu shoonse alimwi ayi taakuuwo muyeeyo wanu weenga wabula kuswitilila.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 33:11

Sombi miyeeyo ya Mwaami Lesa nja lyoonse alyoonse, Nshaabambite mumoyo wakwe shilacitwa mumashalane oonse.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Amosi 9:6

Mwaami Lesa wakayaka ŋanda yakwe ya bwaami kwiculu akubika lwiimbi lwa njiyo pacishi ca panshi. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Mateyo 14:25

Ingayi kumuyamaca Jesu wakesa kubashikwiiya bakwe kaaenda pamaanshi.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.