Kulumbaisha 128:3 - Baibo Busansulushi Bwa Libuku Ili

³ Mukaako ulaakuba anga ngumunyansa ucata bunene muŋanda yako. Bana bako basankwa balaakuba anga ninsoonseela sha maolifi kushinguluka tebulu yako.

Kulumbaisha 128:3 Marejeleo ya Msalaba

Matalikilo 49:22

“Josefu uli anga ngumunyansa ucata shisepo abuumbi, ee munyansa uli kufwaafwi akantupu. Misampi ya nguwo ilatandabala kulubumbu.

1 Makani 8:40

Bana bakwe Ulamu basankwa bakalinga bashilumamba bacibwene kulwana amata. Wakalinga kucite baana basankwa abeshikulu baanji. Pantu pomwi bakalinga 150. Aba boonse bakalinga bamumukowa wakwe Benjameni.

Kulumbaisha 127:3

Baana ncipo kuswa kuMwaami Lesa, ncakwiila ncilambu ncaatupa.

Kulumbaisha 127:5

Ulicite coolwe muntu ucite mifwi iinji, ceebo teshi akakomweewo aakukumana abalwani bakwe kumwiinjililo.

Kulumbaisha 144:12

Bana besu basankwa bacikula bwangu, bakule kabotu anga shishango shabikwa mboleshi. Bana besu banakashi babe anga ngamacinko ayo abotesha kuŋanda ya bwaami.

Kulumbaisha 52:8

Sombi nebo ndibo anga ncisamu ca maolifi cishangitwe muŋanda yakwe Lesa. Ndicinkite manungo mulusuno lutamaani lwakwe Lesa kwalyoonse alyoonse.

Jelemiya 11:16

Nebo neMwaami Lesa ndakalinga kubeeta ayi cisamu cibotu abuumbi ca maolifi cicite shisepo shiboneka kabotu. Ono cisamu ico ndaakucitenta kukuyooma kuli anga nkululuma kwa mfula ayalo misampi ya ncico ndaakwiiponsoola.

Esekelo 19:10

“Nyoko wakalinga anga ncisamu ca munyansa mumuunda wa nguwo, munyansa uyo wakashangwa kweela maanshi. Cisamu ico cakalinga kucata shisepo alimwi cakalinga kucite misampi iinji abuumbi ceebo kwakalinga maanshi aanji.

Bene Loma 11:24

Mwebo nobaswamashi bakunsengwe, muli anga njimisampi ya cisamu ca olifi ca muluundu, iyo Lesa njaakatyola akulengesha ayi isonse pacisamu ca olifi cakushanga, ico citakoonshi kucitika ciine. BaJuda bali anga ncisamu ca olifi cakushanga. Aboobo ncuubu Lesa kuboosha misampi yakatyolwa pacisamu ca njiyo.