Kulumbaisha 128:2 - Baibo Busansulushi Bwa Libuku Ili

² Ulaakulya shisepo isho nshaasebensela. Ulaakupekwa coolwe amilimo yakwe ilaakuswitilila.

Kulumbaisha 128:2 Marejeleo ya Msalaba

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 109:11

Uyo ngwaakakongweta aakamunyaye shoonse nshaacite, beensu abakasaale shoonse isho nshaakayuwila.

Shikushimikila 8:12

Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Jelemiya 22:15

“Sa shisamu sha sida shiinji nsheenga shakulengesha kuba mwaami? Bona, iso wakalinga kutileelabo shakulya ashakunwa? Lakwe wakalinga kucita shintu shiluleme alimwi shakutanyengelela. Aboobo shintu shoonse shakalinga kumweendela kabotu.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

Bene Efeso 6:3

Kushomesha uku nkwakwaamba ayi, “Na mwacita boobo, mulaakuba acoolwe mushintu shoonse alimwi akwikala myaaka iinji mucishi.”

Dutolonomi 28:11

Mwaami Lesa ulaakumupa baana baanji, shifubwa shiinji alimwi ashakulya shiinji mucishi ico ncaakashomesha bamashali banu bakulukulu ayi ulaakumupa.

Dutolonomi 28:39

Mulaakulima myuunda ya minyansa alimwi akwiisakwita kabotu, sombi teshi mukayapemo minyansa nabi kunwa waini ceebo bashiluŋongwa balaakwiilya.

Dutolonomi 28:4

“Mwaami Lesa ulaakumupa coolwe cakuba abaana baanji, shakulya shiinji alimwi aŋombe ambelele shiinji.

Dutolonomi 28:51

Balaakulya baana ba shifubwa shanu, shishango sha mucishi canu kushikila mukanyonyooke. Taaku shakulya shili anga ngamaila nsheshi bakamushiile, waini, mafuta a olifi, boombe nabi bana ba mbelele, kushikila noonse mukaloobe.

Dutolonomi 28:8

“Mwaami Lesa, Lesa wanu ulaakumupa coolwe mushintu shoonse nsheshi mukanoocita akususha matala anu a shakulya shili anga ngamaila. Ulaakumupa coolwe mucishi ico ncaatoomupa.